Diferencies ente revisiones de «Historia de Bulgaria»

En payares de 1989, Todor Zhivkov foi depuestu en toles sos funciones ya inculpáu de corrupción (trés años más tarde sería condergáu a siete años de prisión). Ante l'esmantelamientu de la URSS y la crisis del [[socialismu real]] en tol so ámbitu d'influencia, el so socesor, Petar Mladenov, tresformó'l Partíu Comunista de Bulgaria nun Partíu Socialista, que cola collaboración y el consensu d'otres facciones polítiques reformó'l país pa volvelo multipartidista. Nes eleccioneseleiciones de xunu de 1990, los socialistes llograron 211 escaños de los 400 de la nueva asamblea nacional. Sicasí, dada la presión popular, los antiguos comunistes compartieron el poder cola oposición, liderada pola Unión de les Fuerces Democrátiques (UFD). En xunetu de 1991, el Parlamentu electu adoptó una nueva Constitución. Les eleccioneseleiciones lexislatives de 1991 dieron 110 escaños a la UFD, 106 al Partíu Socialista y 24 al Movimientu de los derechos y llibertaes de turcos y pomacos (búlgaros musulmanes). Jeliou Gelev, líder de la UFD, foi escoyíu presidente de la República de Bulgaria por sufraxu universal en xineru de 1992.

Como otros antiguos países socialistes d'Europa Oriental, Bulgaria atopó la transición al [[capitalismu]] más costosa de lo esperao. El gobiernu de la UFD privatizó la tierra y les empreses estatales, pero les midíes económiques provocaron un ascensu del desempléu y falta de competitividá. Los socialistes aprovecharon el descontentu y en 1995 el socialista Zhan Videnov ganaba les eleccioneseleiciones, pero'l nuevu gobiernu nun pudo frenar la crisis económica y l'inflación disparóse, y l'incompetencia gubernamental provocó la bancarrota de la mayoría de los bancos búlgaros.

Esta crisis económica y política foi aprovechada pol últimu zar, Simeón II, que tornara en 1996 al país, tres abandonalo en 1946 con tan solu nueve años. Con 59 años yera un prósperu empresariu qu'adoptó'l nome civil de Simeón Saxkoburggotski (la pronunciación búlgara del so apellíu real Sajonia-Coburgo-Gotha) y formó el so propiu partíu'l Movimientu Nacional Simeón II (MNS), que ganaría les eleccioneseleiciones de 2001.

Nes eleccioneseleiciones celebraes en xunu de 2005, impúnxose Sergei Stanishev, del Partíu Socialista, al llograr el 31% de los sufraxos. El so principal opositor Simeón Saxkoburggotski (anterior Primer Ministru), tuvo de contentase col 20% de los sufraxos, ente que'l Movimientu de la Minoría Turca, un brazu separatista del actual gobiernu, llogró'l 12%. Sicasí estos trés fuerces polítiques constituyeron un gobiernu de coalición.

{{listarefllistaref}}