Missy Elliott

Melissa Arnett Elliott (Portsmouth, Virginia, Estaos Xuníos, 1 de xunetu de 1971) conocida como Missy Elliott, ye una cantante, productora, rapera y compositora estadounidense. La so carrera empecipióse cuando formó parte del grupu femenín de R&B Sista, nel entamu de la década de los '90, pa más tarde trabayar al pie de el so amigu de la infancia y productor Timbaland, con quien trabayó en proyectos p'artistes como Aaliyah, 702, Total y SWV. Depués de delles apaiciones, nel añu 1997 decidió llanzar la so carrera como solista col llanzamientu del so álbum debú Supa Dupa Fly el cual incluyó senciellos que rápido se convirtieron en Hit como «The Rain (Supa Dupa Fly)» y «Sock It 2 Me». L'álbum debutó nel númberu trés del Billboard 200 siendo nesi entós el segundu debú más altu consiguíu por una rapera femenina namá siendo superáu por "Pink Friday" nel llistáu estadounidense.

Elliott impactó nel mercáu internacional con dellos hits, como «Work It», «Get Ur Freak On», «One Minute Man», «4 My People» y «Gossip Folks». Nel añu 2002 ganó un Grammy, y pocu dempués sumó cinco #premio Grammy más. Tamién llegó a vender cerca de 30 millones de grabaciones, solamente n'Estaos Xuníos. Elliott ye una de los seis raperes que llograron devasar el platino nos Estaos Xuníos, (les otres son Lil' Kim, Foxy Brown, Remy Ma, Da Brat, Nicki Minaj y Iggy Azalea) y ye la única rapera femenina en tener seis álbumes certificaos platino n'Estaos Xuníos, incluyendo'l so álbum doble platino "Under Construction".

Enllaces esternos

• Wikimedia Commons acueye conteníu multimedia sobre Missy Elliott .
• Missy Elliott en Twitter