Les ciencies de la Tierra atoparatópase en constante evolución. La xeografía de [[Plinio el Viejo]] solo describía los elementos de la superficie de la Tierra ensin amestalos al traviés de procesos, y dábase poca importancia a la dinámica de cambeos y l'interacción colos elementos que componen el mediu ambiente. Mientres los primeros sieglos d'esploración europea<ref>Alvarez, W. y Leitao, H. (2010). «[http://geology.gsapubs.org/content/38/3/231.abstract The neglected early history of geology: The Copernican Revolution as a major advance in understanding the Earth]». ''Geology'', '''38'''(3): 231-234</ref> empecipióse una etapa de conocencia muncho más detallada de los continentes y océanos. Se cartografiaron en detalle, por casu, les alliniaciones magnétiques nel océanu Atlánticu, que seríen de gran utilidá pal saléu intercontinental. En 1596, por casu, [[Abraham Ortelius]] acolumbra yá la hipótesis de la [[deriva continental]], precursora de la teoría de la [[tectónica de plaques]]. Antes, el esploradores españoles y portugueses, atroparen una detallada conocencia del campu magnético terrestre. La nacencia de los conceutos básicos de la xeoloxía (gradualismo, superposición, etc), nel sieglu XVII y XVIII (p.y., [[James Hutton]]) o la [[meteoroloxía]], dio pasu a una eclosión nel estudiu de la Tierra. Güei, les ciencies de la Tierra son una estensión más de les ciencies físiques cuantitatives basaes nel empirismu, la esperimentación y la reproducibilidad de les observaciones.
