Diferencies ente revisiones de «Biocenosis»

A gran escala [[Xeografía|xeográfica'l]] principal factor que determina'l tipu de comunidaes ye'l [[clima]], ente que a menor escala resulta más difícil atopar cuál o cuálos son los factores qu'esplicaríen los agrupamientos d'especies. Unu de los primeros oxetivos qu'escuerre un [[Ecoloxía|ecólogu]] ye conocer la composición d'una comunidá y la so estructura, entendiendo ésta como'l conxuntu de relaciones qu'esisten ente les distintes especies ente sigo y col mediu nel que viven. Esisten delles maneres de caracterizar una comunidá, la más fayadiza sería aquélla que considerara tantu la composición d'especies como'l númberu d'individuos de caúna d'elles. Sicasí, non toles especies tienen la mesma importancia dientro d'una comunidá; conócense como especies clave o dominantes aquélles que si sumieren provocaríen un fondu cambéu na comunidá, pos sobre elles articula la comunidá entera.

 

 

Dacuando resulta difícil delimitar, na naturaleza, una frontera que dixebre comunidaes distintes y en munchos casos lo que se repara ye una gradación progresiva dende una comunidá a otra. Les árees de transición qu'apaecen ente dos comunidaes totalmente estremaes llámense ecotonos y son especialmente riques n'especies.