Diferencies ente revisiones de «Vermont»

Habitada orixinalmente por dos grandes tribus de nativos americanos (algonquinos y iroqueses), la mayoría de lo qu'anguaño ye Vermont foi reclamada por [[Francia]] al entamu de la dómina colonial. Dempués de ser vencida por [[Inglaterra]] en [[1763]] na [[Guerra de los Siete Años]] (nomada tamién [[Guerra franco-india]] pa referise a les operaciones desarrollaes en suelu americanu), Francia renunció a elli, y entamó la engarradiella ente les colonies vecines, especialmente New Hampshire y Nueva York, por facese col control d'estes tierres, nomadas d'aquella New Hampshire Grants. Los colonos que pretendíen tener derechos sobre la tierra refrendaos por eses colonies tuvieron qu'enfrentase a la milicia nomada ''Green Mountain Boys'', qu'algamó a la fin el so oxetivu de crear un estáu independiente, la [[República de Vermont]]. Esta, que surdió en [[1777]] demientres la [[Guerra d'Independencia de los Estaos Xuníos]], tuvo 14 años de vida, lo que convierte a esti territoriu a ún de los únicos cuatro (con [[Texas]], [[HawaiiḤawai]] y [[California]]) que foi un estáu independiente en dalgún momentu de la so hestoria. En [[1791]] Vermont decidió axuntase a los Estaos Xuníos como'l so decimocuartu estáu, el primeru que s'axunió a les trece colonies orixinaries. P'aquella yá tenía abolío la esclavitú, polo que foi el primer estáu del recién nacíu país que lo fizo.