Diferencies ente revisiones de «Cosméticu»

Unes ceyes negres formando un semicírculu perfectu axuntándose a lo cimero de la ñariz son consideraes n'Oriente como una parte principal de la guapura d'una muyer y coles mesmes yera tamién una circunstancia de la guapura de les antigües muyeres griegues y romanes. Les muyeres turques nes sos [[harén|harénes]] ocupaben hores enteres en pintase les ceyes y les pestañes con un polvu negro que llamen ''surmé''. Les romanes de distinción teníen esclaves namánamái encargaes d'esta parte del tocador. El polvu de que se sirvíen yera de [[galena]], de [[chombu]] o de [[bismuto]] llamáu en griegu ''stimmé'' y en llatín ''stibium'' y aplicáben-y con dos punzones o aguyes encorvaes na punta.