Diferencies ente revisiones de «Llingües ugries»

Una forma rigorosa de probar que dos o más llingües tán [[filoxénesis|filogenéticamente]] emparentaes ye reconstruyir la [[protollingua]] o ancestru común, del cual derivaríense caúna de les llingües modernes por aciu cambeos fonéticos altamente regulares. Pal proto-ugrio esto nun se fixo de la manera convencional nunca, y namánamái en [[1988]] Sammallahti "solucionó" l'ausencia d'una reconstrucción razonable por aciu lo que llamó "interpolación" o "reconstrucción reversa", na que por aciu la postulación d'un conxuntu de riegles y fonemes ad hoc, reconstruyó daqué entemediu ente la reconstrucción del proto-urálicu de Jahunen y los datos conocíos de les llingües obi-ugrias y l'húngaru. Cabo dicir qu'esti procedimientu nun ye una aplicación del métodu comparativu canónicu, y foi criticáu pola so falta de naturalidá y por partir como base de lo que pretende probase. Aun así esta "interpolación" cadez de numberosos problemes y ta llarada d'irregularidaes non esplicables, particularmente na evolución de les vocales y dellos fonemes consonánticos.