El porcentaxe de casos mortales ye d'aprosimao una muerte per cada mil casos. Nos países en desenvolvimientu con altos graos de [[malnutrición]] y servicios sanitarios probes, onde'l sarampión ye más común, la cantidá de fallecimientos ye d'un 10 % aprosimao. En pacientes [[inmunodepresión|immunodeprimidos]], el porcentaxe aumenta hasta aprosimao un 30 %.
Un entueyu raru, pero d'estrema gravedá ye la denominadadenomada [[Panencefalitis esclerosante subaguda|Panencefalitis Esclerosante Subaguda]] (PEES) que la so incidencia ye de 7/1000 casos de sarampión. Anque en países desenvueltos ye mínima y diagnostíquense bien pocos casos al añu, suel apaecer unos 7 años dempués del sarampión y ye más prevalente en neños que s'afectaron per primer vegada antes de los 2 años. Asocede cuando un virus defeutivu, ye dicir que la so síntesis de proteína M ta menguada, sobrevive nes célules del celebru y actúa como virus lentu. Los sos síntomes son, cambeos de personalidá, cambeos del comportamientu y la memoria, siguíos de contracciones sópites fasciculadas, según ceguera. Usualmente ye fatal.<ref name="ninds.nih.gov">[http://www.ninds.nih.gov/disorders/subacute_panencephalitis/subacute_panencephalitis.htm] "NINDS Subacute Sclerosing Panencephalitis Information Page"</ref>
