Diferencies ente revisiones de «Führer»

La pallabra ''Führer'' úsase n'alemán, con esti sentíu de ''"cabezaleru"'' o ''"guía"'', pa construyir numberoses pallabres compuestes, como por exemplu ''Oppositionsführer'' (cabezaleru de la oposición). La pallabra aisllada, por embargu, caltién, pola so fuerte asociación cola figura de Hitler, una importante connotación negativa que fae que nun seya usada en contestos políticos. La pallabra tien análogos nes llingües escandinaves (''fører'' en [[danés]] y [[noruegu]] y ''förare'' en [[suecu]]), magar que neses llingües, nes que tien un significáu asemeyáu, nun tien les connotaciones polítiques asociaes a la pallabra alemana.

 

 

Na Alemaña nazi el términu usose tamién nel escalafón de les fuerces paramilitares, los [[Freikorps]]. Casi toes les organizacioones paramilitares, especialmente les [[Schutzstaffel|SS]] y les [[Sturmabteilung|SA]], teníen nel so organigrama cargos nos que s'incorporaba'l títulu de ''Führer''.

 

El de ''Führer'' foi el títulu qu'Adolf Hitler, na so condición de presidente (''Vorsitzender'') del [[Partíu Nacional Socialista de los Trabayadores Alemanes|partíu nazi]]. Nesta dómina yera vezu que los dirixentes de los partidos políticos alemanes recibieran el nome de ''Führer'', al que se-y añedía'l nome del partíu del que se tratara. L'adopción por Hitler d'esti términu aislladamente tuvo parcialmente inspirada nel so usu anterior pol políticu austriacu [[Georg von Schönerer]], ún de los más destacaos [[panxermanismu|panxermanistes]] y dirixente del nacionalismu alemán n'[[Austria]]. Los siguidores de so avezaben a llamalu ''Führer'', ensin más apellíos, y usaben al dirixise a elli lo que dempués sedría'l saludu nazi, qu'ellos nomaben ''"saludu alemán"''<ref>Mitchell, A.H., ''Hitler's Mountain: The Führer, Obersalzberg, and the American Occupation of Berchtesgaden'', p. 15. Macfarland & Company Inc., Publishers, 2007.</ref>.

 

Hitler víase a sigo mesmo como la única fuente del poder n'Alemaña, de forma asemeyada a la de los emperadores romanos o los del [[Sacru Imperiu Romanu Xermánicu]]<ref>Schmidt, R.F., ''Die Aussenpolitik des Dritten Reiches 1933–1939''. Klett-Cotta, 2002.</ref> na [[Edá Media]]. Tres de la muerte de [[Paul Hindenburg]], presidente del país, en [[1934]], Hitler adoptó una serie de símbolos qu'evocaben el so calter de cabezaleru absolutu y personificación del estáu alemán: el so títulu de ''Führer'', como la marcha militar [[Badonviller Marsch]] o el so estandarte personal son dalgunos d'ellos.

 

Tres de la designación d'Adolf Hitler como Canciller del Reich (xefe del gobiernu) el parllamentu alemán aprobó una llei que-y permitió promulgar lleis por decretu. Nesti contestu, un día anantes de la muerte del presidente de la [[República de Weimar]] Paul Hindenburg Hitler y el so gabinete ficieron públicu un decretu qu'axuntaba la oficina del presidente cola del canciller, lo que permitió a Hitler asumir los poderes presidenciales ensin tener qu'asumir el cargu.

 

Hitler adoptó un títulu adicional el [[23 de xunu]] de [[1941]]. Esi día autoproclamose ''Führer xermánicu'' (''Germanischer Führer'') como un títulu suplementariu a los de Führer del estáu y el pueblu alemán<ref>Bramstedt, E. K., ''Dictatorship and Political Police: the Technique of Control by Fear'', pp. 92-93. Routledge, 2003.</ref>. El [[12 d'avientu]] de 1941 el fascista holandés [[Anton Mussert]] reconoció-y esti cargu cuando proclamó la so llealtá a Hitler como ''Führer aller Germanen''. Magar que Hitler decretó que se siguiera usando'l nome antiguu como nome oficial, tan sero como en [[1944]] hai delles referencies, en publicaciones propagandístiques, a elli qu'utilicen esti títulu non oficial de ''Führer de tolos xermanos''<ref>[http://www.hasufali.nl/titel-a/adolf.htm ''Adolf Hitler: Führer aller Germanen'']. Storm, 1944.</ref>.

 

 

[[Categoría:Clases sociales]]