Diferencies ente revisiones de «Halterofilia»

Considérase-y como'l más xenuinu de los [[deportes de fuerza]], pero amás esixe gran maña y una actitú mental escepcional. El llevantamientu de peses o halterofilia implica un entrenamientu a xeitu pa llograr el desenvolvimientu del atleta sobre la tarima, al obligar a tolos músculos del so cuerpu a realizar una acción que supera llargamente la suma de los recursos parciales del individuu.

 

[[Archivu:Postasdasd.jpg|thumb|200px|thumb|Primeres versiones de l'halterofilia con barres de fierro con enormes boles de metal nos estremos.]]

L'halterofilia ye probablemente unu de los deportes más antiguos. Podemos asitiar los sos oríxenes en redol al añu 3600&nbsp;a.&nbsp;C. en [[China]], ellí los emperadores practicaben exercicios de fuerza. Tamién na dinastía Chow (1122&nbsp;a.&nbsp;C.) los soldaos, como requisitu pa formar parte del exércitu, teníen que llevantar una serie de pesos. Los antiguos griegos llevaben peses nes manos al practicar el saltu de llargor, na creencia de que-yos dexaben consiguir saltos más llargos; ello ye que la palabra "haltera" ye d'orixe griegu y pertenez al raigañu del verbu "saltar" (en griegu antiguu "hallomai", en llatín "saltara"). La mayoría d'el historiadores apunten al lluchador griegu [[Milón de Crotona]] como'l pioneru del llevantamientu de peses. El sieglu VI a.C. en [[Grecia]] foi conocíu como la Dómina de Fuerza, el llevantamientu de grandes piedres sentó les bases de l'actual halterofilia. Nel sieglu XIX, principalmente en [[Europa Central]], esistía'l costume de realizar exhibiciones de fuerza en tabiernes, llevantando una barra de fierro con enormes boles de metal nos estremos. A finales d'esi sieglu, l'halterofilia yera una dedicación casi esclusiva de los profesionales del circu, como los hermanos Saxon. Más tarde empezó a realizase con calter ''amateur'', entamándose competiciones ente clubes.<ref name="hh">http://web.archive.org/web/http://www.telefonica.net/web2/halterofilia/historia/hestoria.htm</ref>