'''Margarita d'Angulema''', llamada tamién '''Margarita de Francia''', '''Margarita de Navarra''' o '''Margarita d'Orleans''' (Angulema, Francia, [[11 d'abril]] de [[1492]] - Odos, Altos Pirineos, [[21 d'avientu]] de [[1549]]){{nym}}, foi una noble [[Francia|francesa]], princesa de la primer caña de [[Orleans]] de la [[Dinastía de los Capetos|dinastía de los capetos]], duquesa consorte de Alençon (1509-1525), reina consorte de [[Navarra]] (1527-1549), [[Escritor|escritora]] y humanista. Foi una muyer bien avanzada nel so tiempu. Apreciada pol so calter abiertu, la so cultura y por faer de la so corte un brillosu centru del humanismu, acoyó con prestu los entamos de la [[Reforma protestante|Reforma]] espublizando l'evanxelismu y el platonismu. Como escritora la so obra más conocida ye'l Heptamerón siguiendo'l modelu del “Decamerón” de Bocaccio pero cola inversión de la situación nel papel d'homes y muyeres yá que na obra de Margarita son les muyeres quien faen risión a los homes.<ref name=":1">{{Cita noticia|apellidos=Guerra|nombre=Pello|título=Margarita de Navarra, la primera mujer moderna|url=http://www.naiz.eus/es/actualidad/noticia/20160427/margarita-de-navarra-la-primera-mujer-moderna|fecha=27 d'abril de 2016|fechaacceso=17 de diciembre de 2016|periódico=naiz|página=|idioma=es}}</ref>
