Diferencies ente revisiones de «Escultura»
Contenido eliminado Contenido añadido
m Robó: convirtiendo/iguando HTML |
m Bot: Troquéu automáticu de testu (-cellebr +celebr) |
||
Llinia 102:
En [[Mesopotamia]], nel periodu d'Uruk (4000-3100 e.C.), produciéronse sofisticaos trabayos escultóricos como'l [[vasu sagráu de Warca]] y dellos [[sellu cilíndricu|sellos cilíndricos]] de gran valir. La [[lleona Guennol]] ye una espectacular figurina en piedra caliza esculpida n'[[Elam]] en 3000-2800 e.C., que ye parte muyer y parte lleona<ref>Frankfort, pp. 24-37.</ref>. Un poco posteriores nel tiempu son una serie de figures de sacerdotes y devotos, fechos n'alabastru y de unos 30 cm de tamañu, con grandes güeyos. Les escultures de los imperios [[Imperiu sumeriu|sumeriu]] y [[Imperiu acadiu|acadiu]] caracterícense por tener güeyos grandes con mirada penetrante y barbes llargues. Alcontráronse tamién pieces destacaes nel cementeriu real d'[[Ur]], ente les que rescamplen les nomaes "Cabra pastiando nún matu" y "Toru de cobre", amás d'una cabeza de toru inserta núna de les [[arpes d'Ur]], dataes alredor del 2500 e.C.<ref>Frankfort, pp. 61-66.</ref>.
Dende esi momentu hasta l'ascensu del [[Imperiu neoasiriu]] nel [[sieglu X e.C.]] l'arte mesopotámicu sobrevive en varios formatos: sellos cilíndricos, escultures pequeñes de bultu redondu, y relieves de tamaños estremaos, incluyendo pieces corrientes de cerámica modelada d'usu domésticu, delles de calter relixosu y delles qu'aparentemente nun lo tienen<ref>Frankfort, capítulos 2-5. </ref>. El [[relieve de Burney]] ye una placa de [[terracota]] (sieglos XIX-XVIII e.C.) con un relieve más trabayáu de lo que yera vezu y d'un tamañu relativamente grande (50 X 35 cm) na qu'apaece una diosa alada desnuda que los sos pies, con forma de garres d'aigla, descansen enriba de dos lleones, y que ta escoltada por dos curuxones<ref>Frankfort, pp. 110-2.</ref>. Esteles de piedra, ofrendes votives y otres estatues que
La conquista de toa Mesopotamia y munchu del territoriu que l'arrodia polos asirios crearon l'estáu más grande y ricu que conociera enxamás la rexón, que dedicó bien de recursos a llevantar grandes escultures nos palacios y nos llugares públicos, pa facer evidente'l so esllendor y tamién, de xuru, pa competir col brillu del arte del imperiu vecín, l'[[Exiptu|exipciu]]. Los asirios desarrollaron un estilu arquitectónicu basáu na producción de baxorrelieves en piedra, pergrandes y nos que se representaben con gran detalle escenes de guerra o caza, pa decorar los palacios; puede vese una amplia colección d'ellos nel [[Muséu Británicu]]. Por embargu, producieron perpoques escultures de bultu redondu, sacando les xigantescas figures guardianes nomaes ''lamassu''. Estos yeren dioses con cuerpu de toru o lleón con cabeza humana que s'esculpíen n'alturrelieve peles dos cares d'un bloque de piedra rectangular. Hai que mencionar, pa finar, que continuaron, inclusu enantes d'algamar el cumal del so poder, la tradición de los sellos cilíndricos con diseños perdetallaos<ref>Frankfort, pp. 141-193.</ref>.
| |||