Diferencies ente revisiones de «Reinos xermánicos»

[[Archivu:Galla Placidia (rechts) und ihre Kinder.jpg|thumb|[[Gala Placidia]] y los sos fíos, [[Valentiniano III]] y [[Xusta Prestosa Honoria]].]]

 

 

El gobiernu de Teodosio había enriáu los enfotos de protagonismu políticu de los más ricos ya influyentes senadores romanos y de les provincies occidentales. Amás, la dinastía había sabíu encauzar alcuerdos cola poderosa aristocracia militar, na que se enrolaban nobles xermanos qu'allegaben al serviciu del Imperiu al mandu de soldaos xuníos por llazos de fidelidá escontra ellos. Al morrer en [[395]], Teodosio confió'l gobiernu d'Occidente y la protección del so mozu herederu [[Flavio Honorio|Honorio]] al xeneral [[Estilicón]], primoxénitu d'un noble oficial vándalu que contraxera matrimoniu con [[Flavia Sele]], sobrina del propiu Teodosio. Sicasí, cuando nel [[455]] morrió asesináu [[Valentiniano III]], nietu de Teodosio, una bona parte de los descendientes d'aquellos nobles occidentales (''nobilissimus, clarissimus'') que tanto confiaren nos destinos del Imperiu paecieron yá resabiar del mesmu, sobremanera cuando nel cursu de dos decenios pudiérense dar cuenta de que'l gobiernu imperial recluyíu en [[Rávena]] yera cada vez más presa de los esclusivos intereses ya intrigues d'un pequenu grupu d'altos oficiales del exércitu itálicu. Munchos d'éstos yeren d'orixe [[pueblos xermánicos|xermánicu]] y cada vez confiaben más nes fuerces de los sos séquitos armaos de soldaos convencionales y nos pactos y aliances familiares que pudieren tener con otru xefes xermánicos instalaos en suelu imperial xuntu colos sos propios pueblos, que desenvolvíen cada vez más una política autónoma. La necesidá d'afaese a la nueva situación quedó evidenciada col destín de [[Gala Placidia]], princesa imperial rehén de los mesmos saquiadores de Roma (el visigodu [[Alarico I]] y el so primu [[Ataúlfo]], con quien finalmente se casó); o col de [[Honoria]], fía de l'anterior (en segundes nupcias col emperador [[Constancio III]]) qu'optó por ufiertar se como esposa al propiu [[Atila]] enfrentándose al so propiu hermanu Valentiniano.