Natalia Naryshkina

Natalia Kirílovna Narýshkina en rusu Ната́лья Кири́лловна Нары́шкина, foi la segunda esposa del Zar Alloño I y madre de Pedro'l Grande. Nació en Moscú el 1 de setiembre de 1651 nuna familia de boyardos tártaros. En febreru de 1671 casar con Alloño I, dempués de qu'él enviudara de la so primer muyer María Miloslávskaya, y dio-y trés fíos: Pedro, Natalia y Fiódora.

A la muerte de Alloño I, en 1676 xubió al tronu'l so fiyascu Teodoro III quien pudo esfrutar bien pocu del poder yá que finó a los pocos años en 1682, asocediéndolo'l so hermanu Iván V, al igual que Teodoro, fíu del so maríu cola so primer muyer María Miloslávskaya.

Sicasí, Iván yera física y mentalmente discapacitáu, polo que-y lo fixo gobernar en xunto col so fíu Pedro que yera malapenes un adolescente, polo que Natalia se convierte entós en rexente.

Sicasí, por cuenta de la revuelta provocada por Sofía Alekséyevna Románova, hermana d'Iván V qu'aspiraba al poder al traviés de la manipulación del llindáu Zar, foi apostrada del gobiernu. Los sos hermanos fueron asesinaos y el so padre obligáu a escondese nun conventu.

Semeya de Tsaritsa Natalya Kirillovna Naryshkina

Mientres Sofía gobierna al traviés d'Iván V, Natalia vive llibre de peligro pero na probeza, teniendo de pidir de cutio ayuda a la Ilesia pa sobrevivir. Pasó gran parte del tiempu nel palaciu veraniegu d'Alloño, a 5 kilómetros de Moscú, al pie de el so fíu Pedro.

N'agostu de 1689, Pedro cumplió la mayoría d'edá, polo que se-y pidió a Sofía qu'apurriera'l poder, al negase esta y amenaciar con una nueva revuelta, foi derrocada. Pedro ya Iván siguieron gobernando en xunto, hasta la muerte del segundu en 1696, dende entós Pedro proclamóse como Zar únicu y lexítimu llegando más tarde a ser conocíu como El Grande.

Natalia morrió'l 4 de febreru de 1694 dempués d'una curtia enfermedá que duró solamente dos díes.

Enllaces esternos

• Wikimedia Commons acueye conteníu multimedia sobre Natalia Naryshkina.

• Datos: Q241797
• Multimedia: Natalia Kirillovna Naryshkina