Abrir el menú principal

Cambios

ensin resume d'edición
Los primeros habitantes del país emigraron dende [[Asia]], al traviés del [[estrechu de Bering]], a lo menos fai 15.000 años<ref>[http://articles.latimes.com/2012/jul/12/science/la-sci-sn-paisley-caves-20120712 ''Who was first? New info on North America's earliest residents'', artículu de Thomas H. Maugh II nel diariu ''Los Angeles Times'' (12 de xunetu de 2012).</ref> y a ellos xuniéronse los colonos europeos a partir del [[sieglu XVI]]. Los Estaos Xuníos formáronse a partir de la xuntura de [[trece colonies]] [[Gran Bretaña|britániques]] espardíes a lo llargo la costa Este (la que mira pal [[océanu Atlánticu]]) del continente. Los problemes ente Gran Bretaña y les sos colonies norteamericanes foron aumentando tres de la [[Guerra de los Siete Años]], y culminaron na nomada [[Revolución Americana]], na que los delegaos de les trece colonies decidieron por unanimidá declarase independientes de la so metrópoli. La guerra que siguió a esa declaración d'independencia finó en [[1783]], col reconocimientu del nuevu estáu por Gran Bretaña; foi la primer guerra d'independencia d'una colonia escontra la so metrópoli europea que ganó la colonia<ref>Bender, Thomas, ''A Nation Among Nations: America's Place in World History'', p. 61. Nueva York, 2006, Hill & Wang. ISBN 978-0-8090-7235-4.</ref>. L'actual constitución adoptóse en [[1788]] como una modificación de los Artículos de la Confederación, l'acuerdu inicial de [[1781]] ente les trece colonies que foi denunciáu por dalgunes por tener dao demasiaos poderes al gobiernu federal. Les primeres diez enmiendes al testu de 1788, nomadas conxuntamente la Carta de Derechos (''Bill of Rights''), foron diseñaes pa garantizar les llibertaes civiles fundamentales de los ciudadanos, y ratificaes en [[1791]].
 
Los nacientes Estaos Xuníos aniciaron una agresiva espansión per toa América del Norte demientres el [[sieglu XIX]]<ref>Carlisle, Rodney P. y Golson, J. Geoffrey. ''Manifest Destiny and the Expansion of America'', p. 238. Turning Points in History Series. ABC-CLIO, 2007. ISBN 978-1-85109-833-0.</ref>, desplazando a les tribus de nativos americanos, tomando nuevos territorios y convirtiéndolos en nuevos estaos que s'incorporaben a la Xunión. Pa [[1848]] la federación estendíase yá d'océanu a océanu<ref>Carlisle, Rodney P. y Golson, J. Geoffrey. ''Manifest Destiny and the Expansion of America'', p. 238. Turning Points in History Series. ABC-CLIO, 2007. ISBN 978-1-85109-833-0.</ref>. Na segunda metá del sieglu XIX la [[Guerra de Secesión|Guerra civil estauxunidense]] supunxo el final de la esclavitú<ref>Wallenfeldt, Jeffrey H., (ed.) ''The American Civil War and Reconstruction: People, Politics, and Power. America at War'', p. 264. Rosen Publishing Group, 2009. ISBN 978-1-61530-045-7.</ref>. Pa finales d'esi sieglu entamó la espansión del país hacia'l Pacíficu<ref>White, Donald W. ''The American Century. Vol. 1: The Frontiers''. Yale University Press, 1996. ISBN 0-300-05721-0.</ref> (Hawaii Ḥawai  convirtióse nel 50º estáu en 1898), nún momentu en que la so economía entamó a espolletar enforma. La [[guerra hispano-estauxunidense]] de [[1898]] y la [[Primer Guerra Mundial]] confirmaron l'estatus del país como una potencia militar de nivel mundial. Estaos Xuníos acabó la [[Segunda Guerra Mundial]] como una superpotencia: foi el primer país en desarrollar armes nucleares y el primeru n'usales en batalla. Esti calter de superpotencia acentuóse tres del final de la [[Guerra Fría]]: tres de la disolución de la [[Xunión Soviética]] en [[1991]] los Estaos Xuníos quedaron como única superpotencia del mundu<ref>Akis Kalaitzidis; Gregory W. Streich. ''U.S. Foreign Policy: A Documentary and Reference Guide'', p. 313. ABC-CLIO, 2011. ISBN 978-0-313-38375-5.</ref>.
 
Los Estaos Xuníos son la primer economía del mundu, col mayor [[productu nacional brutu]] (PNB), tantu nominal como real. Figura nos primeros puestos en múltiples ránkings de desarrollu económicu y social, como los que miden l'ingresu mediu por persona, el desarrollu humanu o la productividá por trabayador. Magar qu'aveza a considerase la so economía como post-industrial, con un sector servicios dominante, el so sector manufactureru ye entá el segundu mayor del mundu. Con namái un 4,4% de la población mundial, tien un PNB que ye'l 25% del mundial, y el so gastu militar ye'l 33% del total agregáu del de tolos países del mundu; de resultes d'ello, ye la principal potencia económica y militar del planeta. La so influyencia política y cultural nel restu del mundu ye enorme, y ye tamién un país líder n'investigación científica y nel desendolcu d'anovaciones teunolóxiques.
34 725

ediciones