Diferencies ente revisiones de «Saturnu (planeta)»

Ensin cambiu de tamañu ,  hai 2 años
m
Preferencia
m (Iguo plurales)
m (Preferencia)
 
== Carauterístiques xenerales ==
Saturnu ye un planeta visiblemente esnacháu nos polos con un ecuador que sobresal formando un esferoide ovaláu. Los diámetros ecuatorial y polar son de 120.536 y 108.728 km, respectivamente. Esti efectuefeutu ta producíu pola rápida rotación del planeta, la so naturaleza fluyida y la so relativamente baxa gravedá. Los otros planetes xigantes son tamién ovalaos pero non en tan gran midida. Saturnu tien una densidá específica de 690 kg/m³, siendo l'únicu planeta del [[Sistema Solar]] con una densidá inferior a la de l'agua (1000 kg/m³). El planeta ta formáu por un 95 % de [[hidróxenu]] y un 5 % de [[heliu]]. El volume del planeta ye abondu como pa contener 740 vegaes la Tierra, pero la so masa ye solo 95 vegaes la terrestre, por causa de la yá mentada densidá media.
 
El periodu de rotación de Saturnu ye inciertu cuidao que nun tener superficie y la so atmósfera xira con un periodu distintu en cada llatitú. Dende la dómina de los [[Voyager]] considerábase que'l periodu de rotación de Saturnu, basándose na periodicidá de señales de radiu emitíes por él, yera de 10 h 39 min 22,4 s (810,8°/día). Les misiones espaciales [[Ulysses (sonda)|Ulysses]] y [[Cassini-Huygens|Cassini]] amosaron qu'esti periodu d'emisión en radiu varia nel tiempu, siendo anguaño de 10 h 45 m 45 s (± 36 s). La causa d'esti cambéu nel periodu de rotación de radiu podría tar rellacionáu cola actividá criovolcánica en forma de [[guéiser|guéisers]] del satélite [[Encélado (satélite)|Encéladu]], que llibera material n'órbita de Saturnu capaz de interaicionar col campu magnéticu esternu del planeta, usáu pa midir la rotación del núcleu internu au se xenera. Polo xeneral considérase que'l periodu de rotación internu del planeta puede ser conocíu tan solo de forma averada.
== Atmósfera ==
 
L'atmósfera de Saturnu tien un patrón de bandes escures y zones clares asemeyáu al de [[Xúpiter (planeta)|Xúpiter]] anque la distinción ente dambes ye muncho menos clara nel casu de Saturnu. L'atmósfera del planeta tien fuertes vientos na direición de los paralelos alternantes en [[llatitú]] y altamente simétricos en dambos [[Hemisferiu|hemisferios]] a pesar del efectuefeutu estacional del enclín axal del planeta. El vientu ta apoderáu por una intensa y ancha corriente ecuatorial al nivel del altor de les nubes y algamó velocidaes d'hasta 450 m/s que deteutaron les sondes Voyager. A diferencia de Xúpiter, nun son aparentes grandes vórtices estables, anque sí los hai más pequeños.
 
Ye probable que les nubes cimeres tean formaes por cristales d'[[amoniacu]]. Sobre elles paez estendese una borrina uniforme sobre tol planeta, producida por fenómenos fotoquímicos na atmósfera cimera —alredor de 10 [[Milibar|mbar]]—. A niveles más fondos —cerca de 10 [[Bar (unida de presión)|bares]] de presión—, l'agua de l'atmósfera podría entestase nuna capa de nubes d'agua qu'entá nun pudo ser reparada.