Diferencies ente revisiones de «Dixieland»

A pocu d'empezar el [[sieglu XX]], los blancos y criollos probes del Delta del Misisipi empezaron a interesase pol Hot y la so influencia produció delles variaciones na forma de tocar de les bandes de Nueva Orleans: desenvolviéronse más les improvisaciones, entaináronse los tempos y buscáronse estructures rítmiques menos "africanes". El nuevu estilu yera "menos espresivu, pero con mayores recursos técnicos", con melodíes más pulíes y harmoníes "llimpies". Amás, introduciéronse'l [[pianu]] y el [[saxofón]], y desenvolviéronse técniques instrumentales nueves, como'l [[Tailgate|estilu tailgate]] de los trombonistas.

 

 

Les sos principales figures fueron, nuna primer dómina, la corneta [[Papa Jack Laine]], que se reputa como'l "padre del dixieland";37 el trompetista y cornetista [[Nick La Rocca]] y la so [[Orixinal Dixieland Jazz Band]]; los [[Louisiana Five]] de [[Anton Lada]]; el trombonista [[Kid Ory|Edward "Kid" Ory]]; o los "New Orleans Rhythm Kings" del cornetista [[Paul Mares]]. Na [[década de los 40]], el Dixieland esfrutó d'un poderosu revival, llogrando ésitu mundial grupos como los [[Dukes of Dixieland]], de los hermanos Frank y [[Fred Assunto]], y entá anguaño esisten bandes con nomes como [[Tuxedo Jass Band]], [[Onward Jazz Band]], [[Canal Street Jazz Band]] o [[Bohème Ragtime Band]].