Diferencies ente revisiones de «Distritos d'Inglaterra»

Dellos distritos lleven el títulu de [[conceyu]], [[ciudá]] o conceyu real; estes denominaciones son puramente honorífiques, y nun alterien l'estáu de distritu. Tolos conceyos y ciudaes, y unos pocos distritos, son empuestos por un [[alcalde]] que na mayoría de los casos ye una figura ceremonial electa pol conceyu del distritu, pero -dempués d'una reforma del gobiernu local- los alcaldes son directamente escoyíos pol electoráu,y ye quien toma la mayoría de les decisiones en vegada del conceyu.

 

Antes de la introducción de los distritos, la unidá básica del gobiernu local n'Inglaterra yera la ''parroquia civil'' (n'inglés ''civil parish''). En 1834 estos conceyos fueron puestos al cargu de les ''Poor Law Unions'', una unidá del gobiernu local usada nel sieglu XIX, creando árees d'alministración del [[Poor Laws|Poor Law]]. Estes árees más tarde fueron utilizaes pal rexistru del censu y fueron la base de la provisión sanitaria. En 1894, basáu nes subdivisiones anteriores, la [[Llei de Gobiernu Local de 1894]] creó distritos urbanos y rurales como subdivisiones de condaos alministrativos, que fueren creaos en 1889. Otra reforma nel añu 1900 creó 28 conceyos metropolitanos pal Condáu de Londres.