Diferencies ente revisiones de «Bolsa de Corea del Sur»

La '''bolsa de Corea''' (en [[idioma inglés|inglés]]: ''Korea Exchange'', ''KRX'') ye l'únicu [[mercáu de valores]] operativu en [[Corea del Sur]]. Tien la so see en [[Busan]], y tien una oficina pa mercáu al contao y pa la supervisión del mercáu en [[Seúl]].

 

La bolsa de Corea foi creada por aciu la integración de los mercaos de valores de Corea (''Korea Stock Exchange''), el mercáu de [[futuros]] (''Korea Futures Exchange'') y el mercáu de valores KOSDAQ so la Llei del Mercáu de Valores y Futuros (''Korea Stock & Futures Exchange Act''). Los mercaos de [[acciones]] y [[deriváu financieru|derivaos]] de los anteriores mercaos son agora divisiones de negociu de la bolsa de Corea: División de Mercáu de Valores, División de Mercáu KOSDAQ y División de Mercáu de Derivaos. A ochobre de [[2012]], la bolsa de Corea tenía 1.796 [[empresa|compañíes]] llistaes con una [[capitalización]] de mercáu combinada de $1,1 billones.<ref>Number of Listed Companies and Total Market Cap, [[Wikinvest:Korea Exchange|Korea Exchange page on Wikinvest]]</ref> La bolsa tien un horariu normal de sesiones de 09:00 am a 03:15 pm tolos díes de la selmana sacante sábados, domingos y festivos declaraos pola [[bolsa de valores|bolsa]] con antelación.<ref>[[Wikinvest:List of Stock Exchanges|Market Hours, Korea Exchange via Wikinvest]]</ref>