Diferencies ente revisiones de «Estaos Xuníos d'América»

Los Estaos Xuníos son la primer economía del mundu, col mayor [[productu nacional brutu]] (PNB), tantu nominal como real. Figura nos primeros puestos en múltiples ránkings de desarrollu económicu y social, como los que miden l'ingresu mediu por persona, el desarrollu humanu o la productividá por trabayador. Magar qu'aveza a considerase la so economía como post-industrial, con un sector servicios dominante, el so sector manufactureru ye entá el segundu mayor del mundu. Con namái un 4,4% de la población mundial, tien un PNB que ye'l 25% del mundial, y el so gastu militar ye'l 33% del total agregáu del de tolos países del mundu; de resultes d'ello, ye la principal potencia económica y militar del planeta. La so influyencia política y cultural nel restu del mundu ye enorme, y ye tamién un país líder n'investigación científica y nel desendolcu d'anovaciones teunolóxiques.

 

Colonizada por migraciones [[Asia|asiátiques]] nel [[XI mileniu e.C.]], nel [[sieglu XVI]] foi esplorada por [[España|españoles]], [[Reinu Xuníu|ingleses]] y [[Francia|franceses]]. L'asentamientu continuu européu más antiguu ye San Agustín (Florida), fundáu pol asturianu [[Pedro Menéndez d'Avilés]], tres esterminar una comunidá [[hugonote]] que fuxere de la persecución nel so país.