Diferencies ente revisiones de «Honolulu»

'''Honolulu''' (''llugar d'abellugu'' en [[Idioma ḥawaianu|ḥawaianu]]) ye la capital y la mayor concentración urbana del estáu [[Estaos Xuníos|estauxunidense]] de [[Ḥawai]]. Ta asitiada al sureste de la islla de [[Oahu]] y tenía, nel censu del [[2000]], una población de 374.701 habitantes, con un total de 998.714 na so [[Urban Honolulu|área metropolitana]] en 2015([[U.S. Census Bureau]]). Ye la capital del archipiélagu dende [[1845]] y alcanzó sonadía mundial el [[7 d'avientu]] de [[1941]], cuando [[Xapón]] atacó los barcos de guerra estauxunidenses que taben atracaos nel so puertu, Pearl Harbor, lo que fizo qu'Estaos Xuníos entrara na [[Segunda Guerra Mundial]]. Ye, tamién, el llugar de nacimientu del 44º presidente de los Estaos Xuníos, [[Barack Obama]].

 

La llegada de los primeros pobladores de la zona, polinesios, nun ta clara, pero hai nicios arqueolóxicos qu'amuesen que la zona yá taba poblada nel [[sieglu XII]]. El primer européu qu'atracó nel puertu de Honolulu foi el capitán británicu William Brown, qu'aportó a elli en [[1794]]. Munchos vinieron dempués, convirtiendo Honolulu nun puertu d'escala nos viaxes ente [[Norteamérica]] y [[Asia]]. En [[1845]] el rei Kamehameha III truxo equí, definitivamente, la capital del so reinu, que primeru taba en Lahaina, na islla de Maui. Esi rei y los sos socesores modernizaron la ciudá, que se convirtió, de la mano de los descendientes de misioneros protestantes que s'establecieron nes islles, nel centru comercial del archipiélagu.