Diferencies ente revisiones de «Llagu Ontario»

Cuando finalmente'l glaciar se derritió nel valle San Llorienzo, el drenaxe taba per debaxo del nivel del mar, y el llagu convirtióse, mientres un curtiu tiempu, nun [[golfu]]. Gradualmente, la tierra volvió afaese, alzándose por cuenta de la perda de pesu de cerca de 2 km de xelu que taba sobre ella. Na zona de San Llorienzo, entá nel presente repara un reacomodamiento de cerca de 3 [[dm]] por sieglu. Esto significa que'l llechu del llagu entá sigue inclinándose escontra'l sur, anubriendo la mariña sur y tresformando los valles de los ríos en badees. La mariña norte y sur sufren d'erosión costera, pero'l movimientu de reacomodamiento amplifica esti efeutu na mariña sur.

 

El llagu yera una frontera ente los [[Furones]], los sos vasallos y la [[Confederación Iroquesa]] nos tiempos anteriores a la llegada de los europeos. El primer européu del cual se documentó la so llegada al llagu foi [[Étienne Brûlé]] en 1615. Na área atopáronse instrumentos que paecen ser d'orixe [[países nórdicos|nórdicu]], lo qu'indicaría la posibilidá de visites anteriores per parte d'europeos, pero entá nun hai pruebes abondes.