Diferencies ente revisiones de «Unidá»

2920 bytes amestaos ,  hai 13 años
ensin resume d'edición
[[Imaxen:Unidá mani lletres 2007.jpg|thumb|350px|Unidá na manifestación del día de les lletres de 2007]]
'''Unidá''' ye una federación de partíos formada por [[Izquierda Asturiana]], [[Asturianistes]], militantes vinientes d'[[Andecha Astur]] y polos partíos locales [[Andecha por Carreño]], Andecha por Corvera y [[Asturianistes por Nava]], amás ta perfaciendo una riestra de formaciones locales yá col nome d'Unidá como [[Unidá-Avilés]] o [[Unidá-Uviéu]].
 
Esta organización ye de calter [[nacionalismu asturianu|nacionalista asturiana]], d'[[esquierda]] y [[ecoloxismu|ecoloxista]], pa les elleiciones autonómiques y municipales de mayu de [[2007]] presentose como coalición con otru partíu más [[Los Verdes-Grupu Verde]] qu'abandonaría la formación meses depues.
 
Los sos resultaos nes elleiciones municipales y autonómiques de 2007 foron modestos: 4.119 votos (0,7%)<ref>[http://www.eleccionesasturias2007.es/do/res/es/30337.html Resultados de las elecciones autonómicas de 2007 en Asturias]</ref> siendo asina los meyores resultaos algamaos nunca por una formación [[nacionalismu asturianu|nacionalista asturiana]]. D'otra miente, nes elleiciones municipales, la coalición, gracies a les sos agrupaciones locales, obtuvo cuatro conceyales: dos en Nava (Asturianistes por Nava), ún en Carreño (Andecha por Carreño) y otru en Piloña (IAS-Asturianistes), onde un pauto de gobiernu otorgó amás a la formación trés conceyalíes y la tenencia d'alcaldía. Estos tamién son los meyores resultaos algamaos nesti ámbitu por una opción política d'esti calter.
 
==Hestoria==
 
La federación de partios UNIDÁ ye'l resultáu d'ún de los preseos nos que taba guetando un ampliu seutor del nacionalismu asturianu. Dende la creyación d'Andecha Astur y un añu dempues Izquierda Asturiana (IAS), dambes formaciones polítiques taben lluchando por un mesmu espaciu politicu.
 
Pela so parte IAS, intenta enanchar el so campu d'aición al xuntase con [[Izquierda Nacionaliega d'Asturies]] (INA) y el [[PCPE]], nun bloque nueu nomáu [[Bloque de la Izquierda Asturiana]] (BIA) que nun finó de cuayar polos probetayos resultaos algamaos nes elleiciones que se presentaren y al naguar una parte del mesmu encabezada por [[Rafa Palacios]] por xuntase con [[Izquierda Xunida]] (IX) no qu'a la postre sedría'l [[Bloque por Asturies]].
 
Dambes organizaciones polítiques (AA y IAS) teníen na so militancia un seutor que puxaba pola xuntanza de les dos organizaciones que de mano yera aínda ermu, pero que col pasu del tiempu foi faciendose mayoritariu.
 
Esti puxu internu fizo que tanto nel casu d'IAS como d'AA internamente s'algamare un alcuerdu elleutoral entrambes organizaciones que xunto con [[Los Verdes-Grupu Verde]], supunxo la coalición UNIDÁ.
 
===El procesu de fechura d'UNIDÁ enantes de les elleiciones===
 
Dende IAS el fechu de dir de la mano d'AA nes elleiciones nacionales y de conceyos de 2006 nun foi cenciellu. Como en tolos partíos hebio un seutor pautista y otru conservador, a lo cabero la demanda social y política qu'esixía la sociedá asturiana, que quier un partiu nacionaliegu d'esquierdes y ecoloxista fuerte decantó la balanza pal llau pautista.
 
Dende AA, anque los más de la militancia puxaba nel mesmu sen de pautar, amás d'algamar esi alcuerdu nos muérganos de decisión internos, un seutor minoritariu, encabezáu pola anterior Xunta Executiva d'AA, torgó la posibilidá d'esta xuntanza por creyer qu'Andecha Astur tendría de ser el referente nacionaliego y cualesquier otru proyeutu tendría dir de la mano del suyu particular. Esta opción nun cuayó dientro la mayor parte la militancia d'AA y decidiose pautar con IAS, p'algamar l'oxetivu cabero; UNIDÁ. Díes dempues xuntáronse Los Verdes-Grupu Verde a la coalición elleutoral.
 
Pela so parte'l grupu minoritariu conservador d'AA, punxo'l so enfotu en remanar el nome de l'agrupación política. Anguaño esti asuntu ta nos tribunales a la espera d'una decisión firme sobre la propiedá del nome yá que'l seutor mayoritariu inxertu n'Unidá afirma que s'emplegaron artimañes illegales, como la falsificación d'actes o la invención de Conceyos Nacionales.
 
===UNIDÁ dempues de les elleiciones===
 
Tres los resultaos obteníos nes elleiciones autonómiques y de conceyu de 2007, la coalición elleutoral pasa ser una federación de partios onde s'alcuentren IAS, Asturianistes, Andecha Carreño, Andecha Corvera y la militancia viniente d'Andecha Astur.
 
== Enllaces esternos ==
189 754

ediciones