Diferencies ente revisiones de «Cumanos»

L'actividá principal de los cumanos yera la ganadería. Criaben caballos, oveyes, cabres, camellos y otru tipu de ganáu. Pel branu movíense al norte colos sos fataos y pel hibiernu, al sur. Dellos cumanos llevaben una vida semi-sedentaria y tomaben parte nel comerciu y l'agricultura. Principalmente vendíen y esportaben animales, sobremanera caballos y productos animales. Los cumanos tamién desempeñaron el papel d'intermediarios nel comerciu ente [[Bizanciu]] y Oriente, que pasaba al traviés de los puertos de Surozh, Oziv y Saksyn. Munches rutes terrestres ente [[Europa]] y [[Oriente Próximu]] travesaben territorios cumanos: el Zaloznyi, el Solianyi y el Varangian. Les ciudaes cumanas —Sharukan, Suhrov y Balin— apaecieron na cuenca del [[ríu Donets]] y nelles solamente habitaben cumanos. Al tar cerca de los principaos de la [[Rus de Kiev]], los [[kanes|kan]] cumanos y otres importantes families empezaron a faer los sos nomes más eslavos, por casu: Yaroslav Tomzákovych, Hlib Tyriiévych, Yurii Konchákovych y Danylo Kobiákovych. Les families principesques ucranianesucraínes de cutiu emparentaban por aciu el matrimoniu colos kanes cumanos, lo que menguaba les guerres y los conflictos. Delles vegaes, los príncipes y kanes llibraron campañes conxuntes, por casu, en [[1221]] atacaron la ciudá comercial de [[Sudak]] nel [[mar Negru]], dirixida pola [[dinastía selyúcida]] y qu'interfería nes actividaes comerciales Rus’-cumanas.<ref>Internet Encyclopedia of Ukraine, "Kyivan Rus' 1015-1132: From Yaroslav the Wise to Mstyslav the Great". http://encyclopediaofukraine.com/History.asp#Topic_6</ref>