|
TG4, la canal de televisión dirixida al públicu de fala irlandesa, empezó les sos emisiones el 31 d’ochobred'ochobre de 1996 como Teilifís na Gaeilge (TnaG). Anque dende un principiu dependía de [[Raidió Teilifís Éireann]] (RTÉ), nel 2007 separóse dafechu y convirtióse nuna corporación colos sos propios estatutos y dirección. Amás, nesi mesmu añu, entró na [[Unión Europea de Radiofusión]] y nel 2010 foi miembru fundador de l’Asociaciónl'Asociación Mundial de Radiotelevisiones Indíxenes, a la qu’actualmentequ'actualmente pertenecen diez empreses.
La canal pue sintonizase en tola isla d’d'[[Irlanda]] y ta dirixida por un Conseyu que tien que cuidar pa que la emisora cumpla col serviciu públicu y cola defensa del idioma gaélicu. Amás d’estad'esta cadena, la compañía cuenta actualmente con Cula 4, una canal infantil; y TG4 HD, coles principales retresmisiones de TG4 n’alta definición. Amás, preparen la puesta en marcha de TG4 + 1.
==L'irlandés na televisión==
La televisión estatal irlandesa (RTÉ) empezó a emitir el 31 d’avientud'avientu e 1961, anque los espacios en gaélicu yeren minoritarios na programación. El nacimientu de [[RTÉ2]] tamién supunxo la medría de los programes en gaélicu, con infantiles, informativos y espacios en prime-time. Sicasí, nun suponíen más del 5% de la emisión total. Too esto fixo que, a principios de 1980, l’asociaciónl'asociación Coiste ar son
Teilifis Gaeltachta (Comité pa una Televisión n’Irlandés) encalzara una reivindicación por un serviciu públicu de televisión nesti idioma.
A finales de los ochenta, el Gobiernu irlandés comprometióse a crear la canal, pero dellos retrasos, cambios de gobiernos y problemes presupuestarios retrasaron la primer emisión hasta ochobre de 1996. Nos primeros tiempos, TG4 emitía ente les 20:00 y les 22:30 hores, amás d’und'un bloque infantil ente les 17:00 y les 18:00 hores. Actualmente emite unes siete hores y inclúi dellos productos de ficción n’inglés y la programación informativa en francés de France 24 na madrugada. Otra manera, la mayoría de los programes que nun s’emiten en directo tienen subtítulos n’inglés.
[[Categoría:Cadenes de televisión]]
| 