Los santos inscritos nel [[martiroloxu]] romanu son los declaraos pola Ilesia Católica como de xuru presentes nel Cielu y, por tanto, pueden ser oxetu del cultu públicu, el llamáu ''cultu de [[dulía]]'', a diferencia del ''cultu de [[latría]]'', que nun tien de dirixir se más qu'a Dios. Una esceición nestes categoríes del cultu representa la [[Virxe María]], receptora de la [[hiperdulía]] que se celebra nos llugares de [[apaiciones marianes]].
Anque los antiguos santos yeren declaraos como tales polos [[obispu|obispos]]s, el procedimientu, a lo llargo de los sieglos, foise centrando en Roma y, dende fai un mileniu, namá'l papa puede celebrar canonizaciones. La Ilesia Católica establez la santidá de ciertes persones por aciu los procesos abiertos pola llamada [[congregación pa les causes de los santos]]. El procesu de santificación tien que pasar poles etapes de [[venerable|venerabilidad]], [[beatificación]] y canonización. El ''procesu de canonización'' adopta les formes d'un procesu xudicial nel qu'una persona (el promotor de xusticia», tradicionalmente llamada ''[[promotor de la fe]]'') esamina y cuestiona la supuesta santidá del candidatu propuestu pol ''postulador'' de la causa.<ref>[https://web.archive.org/web/20080225074701/http://www.vatican.va/roman_curia/congregations/csaints/ Procesos y Decretos definíos pa les causes de los santos]</ref> Nesti sentíu, el postulador asume'l papel de «fiscal», pos tien de demostrar» la santidá del candidatu, y el promotor actúa como la defensa», pos-y basta amosar duldes razonables contra la causa. Anque'l [[derechu canónicu]] establez un tiempu mínimu ente'l fallecimientu d'una persona y l'entamu de la so causa de canonización en Roma, los plazos son bien variables.
El papel de los santos na Ilesia y ente los [[creyente]]s evolucionó enforma mientres la segunda metá del [[sieglu XX]]. El cultu que se-yos solía rindir foise matizando y les sos imáxenes son más utilizaes como ''exemplos'' que como axentes de intercesión, papel que desempeñaron con fuerza mientres sieglos. El Papa Benedicto XVI afirma:
