Diferencies ente revisiones de «Thomas Klestil»

En 1994 sobrevien la separación de Klestil de la so esposa Edith, cola que tuvo trés neños. Esta noticia ye anunciada pol presidente mesmu nun [[tabloide]], amás el públicu entérase que'l xefe d'Estáu tenía una amante dende fai yá años -fechu inauditu n'Austria, país marcáu por una moral católica inda intransixente-. Según, amás, mientres la campaña electoral, Klestil aponderara los valores tradicionales de la familia intacta, esta noticia fai-y perder, y de manera duradera, una bona parte del sofitu del so electoráu católicu conservador.

 

 

Dempués de la so reelección, l'antagonismu ente Klestil y el so partíu namá s'intensifica. Nel momentu de les eleiciones lexislatives d'ochobre de 1999, el partíu cristianu-conservador de [[Wolfgang Schüssel]] sufre una derrota pesada en provechu del partíu "lliberal" (anque de verdá, populista ultranacionalista), el [[Partíu de la Llibertá d'Austria|FPÖ]], de [[Jörg Haider]] que llega na segunda posición dempués de los socialistes. Entós, el presidente Klestil abiertamente deseya que la coalición saliente de los socialistes y d'el conservadores sía anovada, yá que nun soporta la llegada al poder de Haider por cuenta de la so mala imaxe nel estranxeru y a qu'acababa d'emponderar a antiguos miembros de la [[SS]].