Diferencies ente revisiones de «Rexón de Llión»

[[Imaxe:Prefecturas Napoleonicas 1810.svg|thumb|right|270px|Prefeutures Napoleóniques en [[1810]].]]

[[Imaxe:España - División provincial y regional de 1833.svg|thumb|right|270px|División provincial y rexonal d'España de [[1833]].]]

El territoriu que güei ocupa Llión foi conquistáu pol [[Imperiu Romanu]] ente los años [[61 e.C.|61]] y [[19 e.C.]], formando parte de les provincies de [[Provincia de Lusitania|Lusitania]] y [[Provincia de Tarraconense|Tarraconense]]; nel [[sieglu V]] la Tarraconense foi invadida por [[suevos]] y [[godos]] incluyéndose más llueu nel [[Reinu de Toledo]]. Nel añu [[712]] los [[Islam|musulmanes]] derroten a los godos y ocupen el so reinu, anque alcuentren resistencia nel norte peninsular per parte de los pueblos [[ástures]]. Éstos últimos fundaríen el [[Reinu d'Asturies]], qu'avanzaría contra'l valle del [[Ríu Dueru|Dueru]] hasta que nel añu [[910]] el rei [[García I]] tresllada finalmente la capital d'[[Uviéu]] a la ciudá de [[Llión (ciudá)|Llión]], fundando asina'l [[Reinu de Llión]]. [[Ordoñu II]] confirma la capitalidá llionesa y fomenta rellaciones cordiales col [[Reinu de Pamplona]]. Pel reináu d'[[Alfonsu V]] promúlgase'l [[Fueru de Llión]], el primer fueru conceyeru del que tolos demás puen considerase derivaos o variantes. Mentanto, el rei navarru [[Sanchu III el Mayor]] busca espandise a costa del territoriu oriental del Reinu de Llión, convirtiéndose en [[Condáu de Castiella|Conde de Castiella]] y con pretensiones sobre la [[Tierra de Campos]].