Diferencies ente revisiones de «Enllena»

Otres actuaciones fueron empuestes a alloñar el peligru de les ciudaes per aciu la esviadura del calce fluvial dotándolo de la mesma de mayor capacidá de desaguadoriu, como en [[Valencia (ciudá)|Valencia]] o [[Sevilla]]. La canalización de ríos, como'l [[Rin]] o'l [[Segura (ríu)|Segura]], son obres de mayor valumbu que llevaron consigo un plan integral pa tola cuenca (aumentu de la capacidá de desaguadoriu, esviadures puntuales, amenorgamientu de meandros, construcción y ampliación de banzaos, etc.) Dalgunes d'estes actuaciones fueron revesoses polos sos efectos adversos, como la eliminación de meandros nel Rin que favoreció la mayor rapidez na onda de crecida y por tantu la so mayor roxura.

 

 

Nos países en desenvolvimientu los sistemes tantu de prevención, como d'alerta y posterior actuación tán menos desenvueltos, como se pudo ver nos socesivos tifones qu'afararon [[Bangladex]] o nel tsunami qu'afaró diverses mariñes del sureste asiáticu. Aun así la cooperación internacional ta favoreciendo actuaciones que traigan una mayor seguridá pa la población nestes zones de riesgu.