Diferencies ente revisiones de «Continente»
Contenido eliminado Contenido añadido
Sin resumen de edición |
|||
Llinia 3:
Nómase '''continente''' a cualisquier de les grandes mases de tierra que tien el nuesu planeta. Cada continente ta dividíu xeográficamente (per estrechos, istmos) o culturalmente ([[Asia]]-[[Europa]]).
Ye un fechu cultural el qu'una masa de tierra seya considerada continente o non. Asina, xeográficamente Europa y Asia son un únicu continente (Eurasia), pero l'etnocentrismu européu fixo que se considerare un continente aparte dende hai sieglos; y nun falten dellos xeógrafos que consideren a Europa, Asia y África una sola gran masa continental nomada
Xeolóxicamente los continentes correspuéndense con fasteres de la corteya continental qu'alcontramos na plataforma continental. Sicasí, delles fasteres de la corteya continental son rexones tapecíes pol agua del océanu, y nun aveza a incluyíseles na llista de los continentes: [[Zealandia]], [[meseta de Kerguelen]]...
Llinia 55:
!Área (km²)
!Porcentaxe
sobre'l total
!Población
!Porcentaxe
sobre'l total
|-
!África
Línea 133 ⟶ 131:
El términu ''continente'' ye la traducción de la pallabra [[Griegu antiguu|griega]] ἤπειρος, que significaba masa de tierra. La primer distinción ente continentes ficiéronla los marinos griegos, que diéron-yos los nomes d'Europa y Asia a les tierres asitiaes a cada lláu de la llingua d'agua formada pol [[mar Exéu]], l'[[Dardanelos|estrechu de los Dardanelos]], el [[mar de Mármara]], l'[[Bósforu|estrechu del Bósforu]] y el [[mar Negru]]<ref name=":0">Toynbee, Arnold J., ''A study of History'', vol. VIII, pp.711-2. Londres, Oxford University Press, 1954.</ref>. El nome aplicábse, a lo primero, namái a les tierres más averaes a la costa, magar que posteriormente entamó a denomar tamién a la tierra del interior<ref name=":1">Tozer, H.F. ''A history of ancient Geography'', pp. 67-69. Cambridge, University Press, 1897.</ref>, pero namái hasta aú los cursos d'agua yeren navegables. "Más allá d'esi puntu los xeógrafos helenísticos nunca tuvieron ésitu na delimitación de dengún accidente del paisaxe físicu que pudiera sirvir como llínia convincente de dixebra d'una indivisible Eurasia<ref name=":0" />.
[[Ficheru:T and O map Guntherus Ziner 1472.jpg|miniaturadeimagen|Mapa de T en O de [[1472]] amosando los trés continentes como los dominios de los trés fíos de [[Noé]]: África'l de [[Cam]], Asia'l de [[Sem]] y Europa el de [[Xafet]].]]
Los pensadores de la Grecia antigua tamién debatieron si África (nomada ''Libia'' naquella dómina) había considerase parte d'Asia o una tercera parte del mundu, magar qu'esta última idea foi faciéndose más popular<ref name=":1" />. Dende'l puntu de vista griegu el mar Exéu yera'l centru del mundu: Asia asitiábase al este d'elli, Europa al norte y al oeste, y África al sur
[[Eratóstenes]], nel [[sieglu III e.C.]], fizo notar que dellos xeógrafos marcaben la llende ente los continentes usando ríos, considerándolos, poro, islles, y otros marcábenla por istmos, considerándolos penínsules. Estos caberos poníen la llende ente Europa y Asia nel istmu asitiáu ente'l mar Negru y'l [[mar Caspiu]], y la llende ente Asia y África nel istmu delimitáu pola [[mar Bermeya]] y pola desembocadura del [[llagu Bardawil]] nel [[mar Mediterraneu]]<ref>Estrabón, ''Xeografía'', llibru I, capítulu 4.</ref>.
Línea 147 ⟶ 145:
=== L'orixe del términu ''continente'' ===
El términu ''continente'', deriváu del términu llatinu ''terra continens''<ref>Definición de "continente" nel Collins English Dictionary Online. https://www.collinsdictionary.com/dictionary/english/continent</ref>, entamó a usase nel [[sieglu XVI]] pa denomar una estensión continua de tierra. A lo primero nun s'aplicaba namái, como anguaño, a estensiones pergrandes de tierra: hai referencies n'inglés, nel [[sieglu XVII]], al continent de la [[islla de Man]], [[Islla d'Irlanda|Irlanda]] o [[Gales]], y en [[1745]] al de Sumatra. La torna de los escritos de los xeógrafos griegos y llatinos que falaben de les trés "partes" del mundu fízose, a lo menos n'inglés, usando esti nuevu términu que braeramente nun tien correspondencia estricta con denguna pallabra d'eses dos llingües antigües<ref>Lewis, Martin W., Wigen, Karen E., ''The myth of continents: a critique of metageography'', pp. 29. Berkeley, University of California Press, 1997. ISBN 9780520207431</ref>.
Al tiempu qu'el nuevu términu emplegábase pa estensiones de tierra relativamente pequeños, volvió a garrar puxu el discutiniu, entamáu por Herodotu, de por qué había que dividir en continentes lo que yera una única masa continua de tierra. A mediaos del sieglu XVII [[Peter Heylin]] escribió, na so ''Cosmographie'', que ''"un continente ye una estensión grande de tierra, non separtada por dengún mar del restu del mundu, como el continente formáu por Europa, Asia y África"''. En [[1727]] [[Ephraim Chambers]] escribió na so ''Cyclopædia'' que ''"ye vezu dividir el mundu en dos grandes continentes: el vieyu y el nuevu"''. Y [[Emanuel Bowen]], nel so atlas de [[1752]], definió un continente como ''"una gran estensión de tierra seco que compriende munchos países que nun tán separtaos por agua. Asina, Europa, Asia y África formen un gran continente, y América otru"''<ref>Bowen, Emanuel. ''A Complete Atlas, or Distinct View of the Known World'', p. 3. Londres, 1752.</ref>. Sicasí, la vieya idea de considerar a Europa, Asia y África como "partes" del mundu pervivió, y tamién la de referise a elles como continentes separtaos.
=== Los nuevos continentes ===
Los europeos descubrieran Australia en [[1606]], pero consideráronla en xeneral como una parte d'Asia. Sedría a finales del [[sieglu XVIII]] cuando dalgunos xeógrafos entamaron a considerala un continente aparte, el quintu o'l sestu según se dixebrara o non América en dos<ref name=":3">Lewis, Martin W., Wigen, Karen E., ''The myth of continents: a critique of metageography'', pp. 30. Berkeley, University of California Press, 1997. ISBN 9780520207431</ref>, pero eso siguió ensin ser la norma bien de tiempu. En [[1813]] [[Samuel Butler]] dixo d'Australia que yera ''"Nueva Holanda, una islla inmensa, a la que dellos xeógrafos dan dignidá considerándola como otru continente"'', y el diccionariu ''Oxford English'' caltuvo una posición igual d'ambigua na so definición de continente (''"la gran islla d'Australia ye considerada delles veces como otru continente"'') hasta varies décades dempués.
No que cinca a l'Antártida, foi avistada en [[1820]], demientres la Primer Espedición Antártica Rusa, y descrita como un continente por Charles Wilkes na Espedición Wilkes en [[1838]], magar que la esistencia d'una masa de tierra nes antípodes del Árticu presumíase dende milenios atrás. El primer atlas que consideró a l'Antártida un continente ye de [[1849]], pero perpocos atlas fixeron lo mesmo hasta dempués de la [[Segunda Guerra Mundial]]<ref name=":3" />.
== Xeoloxía ==
[[Ficheru:Plates tect2 bis en.svg|miniaturadeimagen|468x468px|Les plaques tectónicas na actualidá.]]
Los xeólogos usen el términu continente con un sentíu estremáu al de los xeógrafos. Un continente xeolóxicu defínese pola [[corteya continental]], una plataforma de roques [[Roca metamórfica|metamórfiques]] ya [[Roca ígnea|ígnees]], mayormente compuestes por [[granitu]]. Dellos xeólogos restrinxen l'usu del términu a los cratones, porciones estables de la corteya formaes demientres el precámbricu. Un [[cratón]] ye un complexu acrecionariu d'antiguos cinturones montañosos formaos al traviés de ciclos de [[subducción]], colisión continental y ruptura pola actividá de les plaques tectóniques, cubiertu en bona parte por una capa, engrosada hacia la superficie, de roques sedimentaries mínimamente deformaes.
Los bordes de los continentes xeolóxicos caracterícense por tener cinturones montañosos entá activos, o con actividá reciente, y profundes depresiones por acumulación de sedimentos marinos o deltaicos. Más allá d'esi borde podemos alcontrar o una plataforma continental que da pasu a la roca basáltica de la conca oceánica o'l borde d'otru continente, en función del asitiamientu del continente na actual configuración de les plaques tectóniques. Poro, la llende d'un continente xeolóxicu nun tien por qué ser una masa d'agua. A lo llargo'l tiempu xeolóxicu los continentes somórguiense periódicamente en grandes mares epicontinentales, y les colisiones continentales resulten la xuntanza d'un continente con otru. La era xeolóxica actual ye relativamente anómala nel sentíu de que la mayoría de les árees continentales son tierra seco: munches partes de los continentes que tuvieran perbaxu'l nivel del mar tán agora abondo elevaes sobro elli polos cambios nel nivel del mar y l'alzamientu d'eses árees continentales de resultes de l'actividá tectónica<ref>Kominz, Michelle A., "Sea level variations over geologic time", na ''Enciclopedy of Ocean Sciences'', p.2609. San Diego, Academic Press, 2001. Disponible en http://www.curry.eas.gatech.edu/Courses/6140/ency/Chapter10/Ency_Oceans/Sea_Level_Variations.pdf </ref>.
Dellos autores sostienen, d'otra banda, que los continentes son balses acrecionaries de corteza que, al contrariu que lo que-y pasa a la corteya basáltica de les conques oceániques, nun se destruin nel procesu tectónicu de subducción. Acordies con esta definición Europa oriental, [[India]] y delles otres rexones podríen considerase como mases continentales distintes del restu d'Eurasia, porque en tiempos formaron escudos separtaos d'ella (el cratón d'Europa oriental y'l cratón indiu). Cinturones montañosos xóvenes, nesti casu los [[montes Urales]] y l'[[Himalaya]], marquen la llende d'eses rexones col restu d'Eurasia.
Hai, tamién, microcontinentes, o fragmentos continentales, que tán formaos de corteya continental pero nun contienen un cratón. Dalgunos son cachos de Gondwana o otros antiguos continentes cratónicos: Zealandia, Madagascar o la fastera septentrional de la [[meseta de les Mascareñes]], qu'inclúi les [[Seixeles]]. Otres islles, como dalgunes del [[mar Caribe]], tán formaes mayormente por roca granítica, pero tolos continentes contienen corteya granítica y basáltica, y nun ye nidio cuáles d'eses islles podríen considerase microcontinentes acordies con esa definición. La meseta de Kerguelen, por exemplu, ye en bona parte volcánica, pero el so orixe asóciase cola rotura de Gondwanaland y ye, poro, considerada un microcontinente<ref>''Lost continent discovered''. BBC News, 27 de mayu de 1999. http://news.bbc.co.uk/2/hi/science/nature/353277.stm</ref>, mentantu qu'otru archipiélagu volcánicu, Hawai, non. Les islles britániques, [[Sri Lanka]], [[Borneo]] y [[Islla de Terranova|Terranova]] son bordes del continente de [[Laurasia]], separtadas de la plataforma continental correspondiente namái por mares interiores que somorguien les tierres baxes que les unen a ella.
La '''[[tectónica de plaques]]''' ofrece entá otra forma más de definir los continentes. Anguaño, Europa y la mayoría d'Asia formen la [[Placa euroasiática|Placa Euroasiática]], coincidente cola Eurasia xeográfica sacante India, [[Arabia]] y el Llonxanu Oriente rusu. India contien un escudu central, y la so llende septentrional fórmala'l cinturón montañosu, de formación xeolóxicamente reciente, del Himalaya. América del Norte y Sudamérica son continentes separtaos, y el ismu que los xunta ye'l resultáu de l'actividá [[Volcán|volcánica]] de procesos de subducción tectónica relativamente recientes. Les roques continentales d'América del Norte estiéndense hasta [[Groenlandia]] (que ye una parte del [[Escudu Canadianu]]) y, en términos de llendes de placa, la placa norteamericana inclúi la fastera más oriental de la masa continental asiática. Sicasí, esto nun quier dicir que los xeólogos suxeran que l'este d'Asia ye parte d'América del Norte: el términu continente úsase davezu nel sentíu xeográficu, y añédense definiciones adicionales cuando son necesaries pa la descripción de fenómenos xeolóxicos concretos.
Los movimientos de plaques tienen causao la formación y ruptura de continentes a lo llargo del tiempu, incluyendo la formación de supercontinentes que comprendíen la mayoría de les tierres non somorguiaes. El supercontinente [[Columbia (supercontinente)|Columbia]] o Nuna formose fae de 2000 a 1800 millones d'años, y rompiose fae unos 1.400 millones<ref>Zhao G, Sun M, Wilde SA, Li SZ, ''A Paleo-Mesoprotorozoic supercontinent: assembly, growth and breakup''. Earth-Science Reviews, 2004;67:91-123. https://www.sciencedirect.com/science/article/pii/S0012825204000182</ref>. El supercontinente [[Rodinia]] formose fae 1.000 millones d'años; incluyía la mayoría o toos los continentes de la Tierra, y rompiose n'ocho fae 600 millones d'años. Estos ocho continentes reagrupáronse dempués pa formar Panxea, que lluéu dixebrose en dos: Laurasia, de la que surdieron la Eurasia y América del Norte actuales; y Gondwana, de la que surdieron el restu los continentes actuales.
== Puntos más altos y más baxos de los continentes ==
La tabla que vien darréu inclúi, ordenando los continentes de mayor a menor altor del so cumal, los puntos más altos y más baxos de los siete continentes.
{| class="wikitable sortable"
!Continente
!Puntu más altu
!Altor (m)
!País o territoriu
!Puntu más baxu
!Altor (m)
!País o territoriu
|-
|Asia
|[[Everest]]|| {{convert|8848|m|disp=table}}
|[[República Popular China|China]] y [[Nepal]]
|[[Mar Muertu]]|| {{convert|-427|m|disp=table}}
|[[Israel]], [[Xordania]] y [[Palestina]]
|-
|América del Sur
|[[Aconcagua]]|| {{convert|6960|m|disp=table}}
|[[Arxentina]]
|[[Laguna del Carbón|Llaguna del Carbón]]|| {{convert|-105|m|disp=table}}
|Arxentina
|-
|América del Norte
|[[Denali]]|| {{convert|6198|m|disp=table}}
|Estaos Xuníos
|[[Valle de la Muerte]] †|| {{convert|-86|m|disp=table}}
|Estaos Xuníos
|-
|África
|[[Monte Kilimanjaro|Kilimanjaro]]|| {{convert|5895|m|disp=table}}
|[[Tanzania]]
|[[Llagu Assal]]|| {{convert|-155|m|disp=table}}
|[[Djibouti]]
|-
|Europa
|[[Monte Elbrús|Elbrús]]|| {{convert|5642|m|disp=table}}
|Rusia
|[[Mar Caspiu]]|| {{convert|-28|m|disp=table}}
|Rusia
|-
|Antártida
|[[Macizu Vinson]]|| {{convert|4892|m|disp=table}}
|
|[[Vestfold Hills]] †|| {{convert|-50|m|disp=table}}
|
|-
|Oceanía
|[[Jaya]]|| {{convert|4884|m|disp=table}}
|[[Indonesia]]
|[[Llagu Eyre]]|| {{convert|-15|m|disp=table}}
|Australia
|}
† N'América del Norte y l'Antártida la tabla recueye los puntos más baxos espuestos. Los puntos más baxos non somorguiaos d'esos continentes son, respectivamente, la depresión que s'alluga embaxu'l [[glaciar de Jakobshavn]] (-1.512 m) y la [[fosa subglacial de Bentley]] (-2.540 m), pero dambos tan cubiertos por capes de xelu de quilómetros d'espesor.
Dalgunos autores ponen la llende xeolóxica ente Europa y Asia na [[depresión de Kuma-Manych]], un restu del antiguu [[Paratetis]]. Esto dexaría al [[Cáucasu]] fuera d'Europa, lo que fadría del [[Mont Blanc]] (4.810 m) el puntu más altu d'Europa.
== Referencies ==
[[Categoría:Continentes]]
<references />
| |||