Diferencies ente revisiones de «Frankfort (Kentucky)»

Les pretensiones de McAfee sobro la propiedá del terrenu qu'ocupaba yeren febles, y en [[1786]] el xeneral James Wilkinson compró, perbaratu, la mayoría del territoriu qu'anguaño forma'l [[distritu financieru (downtown)|downtown]] de Frankfort, al norte del ríu, y coló p'pa ellí a llevantar una ciudá. Púnxo-y de nome Frankfort n'alcordanza d'un pioneru [[xudaísmu|xudíu]], Stephen Frank, y dió-y el so nome, el de la muyer, el de les fíes y el de dellos de los sos amigos a les cais de la ciudá que construyó. Entamaron a llegar colonos, y pa finales de la década del 1780 yá había escuela y ilesia, y la ciudá taba arrodiada de plantaciones de tabacu. Sicasí, y magar que la ciudá nun medró tanto como Wilkinson esperaba, entamaron a llevantase almacenes de tabaco, y en [[1792]] decidiose que la ciudá diba ser la capital del recién nacíu estáu de Kentucky. Esto, y el fin de les lluches colos indios, fizo espoxigar la economía de la ciudá, concentrada na producción de tabacu y cáñamu y el curtíu de pieles, y dempués na cría de ganáu y l'aprovechamientu de la madera.