Foi estremada en cuatro ''[[conventus|conventus iuridici]]'': el ''[[Conventus Cordubensis]]'', con capital en ''[[Córduba]]'' qu'amás yera la capital de tola provincia Bética; el ''[[Conventus Astigitanus]]'', con capital en ''[[Astigi]]''; el ''[[Conventus Gaditanus]]'', con capital en ''[[Gades]]'' y el ''[[Conventus Hispalensis]]'' con capital en ''[[Hispalis]]''. Estos territorios yeren partíos xudiciales, nos que los principales de la comunidá axuntábense añalmente so la dirección d'un ''legatus iuridicus'' del [[procónsul]] pa supervisar l'alministración de xusticia.
Escontra los años 13-7 e.C. modificáronse les llendes orientales de la Bética. Los distritos de ''[[Cástulo]]'', ''[[Acci]]'' y el territoriu al este y norte de l'actual provincia d'[[provincia d'Almería|Almería]], que pertenecieron originalmente a la provincia Bética, fueron segregaos por [[Augusto]] ya incorporaos a la provincia [[Tarraconense]]. Como la Bética yera una provincia senatorial, esti fechu interprétase como un actu del emperador en pos de controlar directamente les mines d'esa zona, una y bones la Tarraconense yera una provincia que dependía directamente del poder imperial, non del [[Senáu romanu|Senáu]].
El territoriu articulábase al traviés d'una rede de calzaes dispuestes con base en trés grandes exes de camín naturales: La [[depresión Bética]], el [[riegu Intrabético]] y la [[mariña]]. En redol a estes exes disponíense importantes núcleosnucleos de población como ''Córduba, Gades, Hispalis, [[Iliberris]], [[Malaca (Hispania)|Malaca]] y [[Ostippo]]'', ente otros, que monopolizaban la recaldación d'impuestos, el comerciu y l'esplotación del ''ager'', amás de ser grandes focos de penetración de la cultura romana y de la so distribución peles sos árees d'influencia rural. El calter divisoriu de grandes ríos como'l [[Guadiana]] y el [[Guadalquivir]], la importancia de los grandes distritos mineros como [[almadén de la Plata|Almadén]], la frontera natural que supon Sierra Morica, la importancia de grandes núcleosnucleos poblacionales y la facilidá de comunicación pel mar, son elementos que faíen de frontera y qu'al empar configuraben un espaciu territorial con distintes realidaes pero con cierta cohesión.
Cuando [[Diocleciano]] realizó una nueva división provincial nel [[298]] conocida como [[Diocesis Hispaniarum]] caltuvo les llendes de la Bética.
