Diferencies ente revisiones de «Johannes Brahms»

=== Música pa pianu ===

Brahms foi un gran virtuosu del pianu dende la so mocedá, y amás tuvo acompañáu por Clara Schumann, que foi una de les más grandes pianistes de la so dómina. Por ello nun ye estrañu que dedique a esti preséu la parte más sustancial y tamién más intimista de la so obra.

Nos años siguientes, Brahms va exercitar na composición pa pianu al traviés del xéneru de les variaciones: les [[Variaciones sobre una tema de Schumann]] op. 9 van ser el primer exemplu, al que van siguir les [[Variaciones en re mayor]] op. 21, les [[Variaciones sobre una tema de Haendel]] op. 24. y les [[Variaciones sobre una tema de Paganini]] op. 35. Bien representatives de la so primer dómina ya importantes dientro de tola so producción son les [[Cuatro balaes pa pianu (Brahms)|Cuatro balaes]] op. 10.

Nel so maduror, Brahms abandona les formes grandes pa concentrase en grupos de pequeñes pieces, como les [[Ocho pieces]] pieces op. 76 o les [[Dos rapsodies]] op. 79. Nos sos últimos años, estes formes curties van adquiriendo un calter cada vegada más íntimu y personal, qu'atopamos nos sos [[Siete fantasíes]] op. 116, los [[Trés intermezzi]] op. 117, les [[Seis pieces]] op. 118 o les [[Cuatro pieces]] op. 119.