Diferencies ente revisiones de «Suetoniu»

Sábese bien pocu de la so vida, siendo la principal vía d'información pa reconstruyir la so biografía tres fuentes: les cartes de [[Pliniu'l Mozu]], los escritos de [[Elio Esparciano]] na ''[[Hestoria Augusta]]'' y les obres de [[Juan Lido]], amás de pequeñes indicaciones daes por él mesmu. Acordies con estes fontes, y gracies a l'apaición na década de 1950 d'una inscripción honorífica na so más que probable ciudá natal, sábese qu'el so nome completu foi ''Gaius Suetonius Tranquillus'',<ref>El testu de la inscripción ye: ''C(aio) Suetoni[o] / [.. fil(io) (...tribu)] Tran[quillo] / [f]lami[nin .../ [adlecto] int[er selectos a di]vo Tr[a]/[iano Parthico] pont(ifici) Volca[nali]/ [proc(uratori) a] studiis a byblio[thecis] (sic) / [ab y]pistulis / [Imp(eratoris) Caes(aris) Tra]iani Hadrian[i Aug(usti) / Hipponienses Re]gii d(ecreto) d(ecurionum) p(ecunia) p(ublica)'' (''Année Épigraphique'' 1953, nº 73nᵘ73).</ref> y que nacería en [[Hipona]], l'antigua [[Hippo Regius]], en [[Numidia]] (actual [[Annaba]], [[Arxelia]]), escontra l'añu [[70]] o 71&nbsp;d.&nbsp;C., a principios del reináu de [[Vespasiano]]. Morrió dempués del añu 126&nbsp;d.&nbsp;C.

La so obra capital, terminada escontra l'añu 121, que dedicó al so citáu amigu y [[prefeutu del pretorio]] Cayu Septicio Claro, foi les ''[[Vides de los dolce césares]]'', citada tamién como ''Vitae Caesarum'', una serie de biografíes de los once primeros emperadores, d'[[César Augusto|Augusto]] a [[Domicianu]], añediendo de primeres la de [[Xuliu César]], obra que brindó a la [[Hestoria]] una gran cantidá de datos sobre la vida privada y el gobiernu de los emperadores romanos, anque n'ocasiones céntrase más en cuestiones superficiales y en dellos casos escandalosos que nun estudiu fondu de los fechos históricos. Magar ello, esti llibru foi bien popular mientres la [[Edá Media]], cuantimás por el so estilu d'escritura fluyíu y llanu, llibre d'artificios, nel que Suetoniu pon siempres en primer llugar del párrafu la palabra más importante; usa tecnicismos, términos griegos y munches cites, dacuando bastante estenses. Tocantes a la estructura de les sos [[biografía|biografíes]], paez más bien alexandrín que peripatéticu, yá que nun procede tantu por orde cronolóxicu como por categoríes, como se faía nel casu de les biografíes de personalidaes lliteraries; les categoríes qu'utiliza son sicasí dafechu romanes, les siguientes: fonduxe, familia, nacencia, educación, ''toga virilis'', empiezos de la carrera, empreses guerreres, vida privada, maravíes, muerte, testamentu.