Diferencies ente revisiones de «Mirandés»

Los motivos que llevaren al caltenimientu d'esta fala, a pesar de qu'al otru llau de la llende la llingua asturiana desaniciara práuticamente, puen tar rellacionaos cola distancia que separta esti área de los principales núcleosnucleos urbanos del llitoral portugués. Pela cuenta, na [[provincia de Zamora]]'l contactu col [[castellanu]] fixo qu'escomenzara la recesión del asturianu yá a finales del [[sieglu XIX]]. L'estatus hexemónicu del castellanu tuvo estremaes consecuencies, amás de tener en cuenta los aspectos xeopolíticos más relevantes. Dellos llingüistes pretendieren atribuyir el caltenimientu del mirandés al dinamismu del castellanu frente al portugués, una teoría bastante refugada güei. [[Rafael Lapesa]] mantenía esta teoría na so obra ''"Historia de la lengua española"'', considerando que la decadencia del asturllionés y del aragonés foi debida a esi supuestu dinamismu y a que tolos dialectos restantes “duldaben llargamente”. Anguaño, la consideración de los falantes del mirandés frente a la so llingua, sobremanera nes aldees más pequeñes, ye que'l so xeitu de falar difier del portugués, y qu'ellos tienen un ''"mal falar, charru"''. Yá nel [[sieglu XVII]] había constancia de la diverxencia ente les fales fronterices de Tras-os-Montes y del [[Altu Miño]]. D. [[Jerónimo Contador de Argote]] comentaba nel so llibru "Regras da língua portuguesa” que'' "hai dellos dialectos llocales (…) que son mui bárbaros y malapenes pueden llamase portugués…”''. Pesie a un ser una descripción ensin fundamentu llingüísticu, ye posible de que se trate d'una mención alusiva al mirandés. La opinión d'esti académicu frente a la llingua que describe simplifícase de manera asemeyada col términu "falar rústicu".