|
[[Archivu:Wuhan from YellowCraneTower.jpg|right|thumb|220px|El Yangtsé al so pasu por [[Wuhan]] ]]
[[Archivu:Yangzi Wuhan Second Bridge.jpg|right|thumb|220px|Segunda ponte en [[Wuhan]]]]
Continua'l Yangtsé el so lentu descensu al mar, enfusándose na gran enllanadallanura a la que da nome, nun escurrir típicu d'enllanada, con munchos meandros, vueltes y revueltes y cambeos d'aldu aunquo empobináu al este, y recibiendo cada vegada más agua de los miles de llagos de la gran enllanada. El Yangtsé recibe al entamu d'esti tramu al Bailin pola esquierda, y depués al Qingjiang y al Songzi, dambos importantes afluentes, pola derecha. Pasa peles ciudaes de [[Zhijiang]] (más de {{unidá|500000|hab.}} en 2004 nel distritu) y [[Jingzhou]] (ciudá-prefeutura con una población metropolitana de {{unidá|350000|hab.}} en 2000), [[Sishou]] ({{unidá|650000|hab.}} nel distritu). Sigue'l Yangtsé el so escurrir y de nuevu forma llende provincial, esta vegada ente Hubei, al norte, y [[Hunan]], al sur. Pasa nesti tramu fronterizu mui cerca del [[llagu Dongting]], ente {{unidá|5-10|km}} al norte, un gran llagu de {{unidá|2820|km²}}, qu'enría les agües de dellos grandes afluentes meridionales del Yangtsé: el [[ríu Xiang]] ({{unidá|856|km}}), el [[ríu Zi]] ({{unidá|653|km}}), el [[ríu Li]] ({{unidá|437|km}}) y el [[Ríu Yuan (Yangtsé)|ríu Yuan]] ({{unidá|1033|km}}). El llagu ye usáu pol mesmu Yangtsé como enllanadallanura d'hinchente, llegando a ocupar en dómina de crecíes hasta {{unidá|20000|km²}} de superficie anubierta. El llagu Dongting alcuéntrase dafechu na provincia de Hunan y ye la salida de la mayoría de los ríos de la provincia.
Vuélvese'l ríu nun curtiu tramu escontra'l noroeste, pasando al sur del llagu Hongku ({{unidá|384|km²}}) y dexa de ser llende provincial, enfusándose nuevamente en Hubei. Recibe pola esquierda al ríu Dongjing y al Huangsi y depués llega a la gran ciudá de [[Wuhan]] (más de seis millones d'habitantes na área urbana en 2006), capital provincial de Hubei y principal ciudá de la zona central de China, onde lu enceta pel norte unu de los sos mayores afluentes, el [[ríu Han (Hanshui)|ríu Han]] (de {{unidá|1532|km}} y una cuenca de {{unidá|174300|km²}}), que trai agua de la so cuenca norte hasta [[Shaanxi]].
|
