|
===Sieglu XIX===
L'orixe de l'actual ciudá remóntase a mayu de [[1843]], cuando'l capitán James Allen dirixiódirixó la construcción d'un fuerte na zona de la xuntura los ríos Des Moines y Raccoon. Magar qu'él quería llamar al fuerte Fort Raccoon, el ministeriu de la guerra ordenó-y que lu llamara Fort Des Moines. L'orixe del nome del ríu nun ta claro. Pa unos sedría una deformación de ríu de Moingonas, nomáu ansina pola tribu india que vivía na rodiada; pa otros fai referencia a dellos monxos trapenses que vivíen en cueves a la vera'l ríu; y otros más piensen que'l nome ta rellacionáu cola espresión ''De Moyen'' ("nel mediu" en [[francés]]), que fadría referencia a la so llocalización ente los ríos [[ríu Mississippi|Mississippi]] y [[ríu Missouri|Missouri]]. De cualisquier forma, el fuerte foi construyíu pa controlar les tribus indies de los sauk y los meskwaki, que foran desplazaos a esti llugar dende les sos tierres tradicionales, asitiaes al este de lo que güei ye Iowa. Sicasí, en [[1846]] eses tribus, que nun s'adaptaron al llugar, foron reasentaes notru llugar y el fuerte zarrose<ref name="Forts">{{cite journal|last=Schoen|first=Christopher M.|coauthors=W.E. Whittaker and K.E.M. Gourley|title=''Frontier Forts of Iowa: Indians, Traders, and Soldiers, 1682–1862''|editor=William E. Whittaker|publisher=University of Iowa Press|location=Iowa City|year=2009|pages=161–177|chapter=Fort Des Moines No. 2, 1843-1846|isbn=978-1-58729-831-8|url=http://uipress.uiowa.edu/books/2009-fall/whittaker.htm}}</ref>.
Sicasí, la zona nun quedó despoblada, porque dellos colonos ocuparon el fuerte abandonáu y les tierres de la rodiada; el [[25 de mayu]] de 1846 lo que fora fuerte convirtióse na sé del condáu de Polk. Cinco años dempués, en mayu de [[1851]], una riada estragó l'asentamientu, polo que tuvo qu'entamar a reconstruyir lo que, el [[22 de setiembre]] de 1851, convirtióse nuna ciudá. En [[1857]] acortóse-y el nome a la ciudá, que tomó l'actual y convirtióse na capital del estáu, que primero taba n'Iowa City. La ciudá foi creciendo amodo nos primeros años, y nun diba ser hasta [[1866]], cuando llegó'l ferrocarril a ella, cuando entamara a medrar enforma.
|
