Diferencies ente revisiones de «Alcobendas»

D'inciertu orixe, pero tan antiguu como'l so probable nome celta, Alcobendas tien la so primer cita documentada nel añu 1208 al dase llendes ente Madrid y Segovia pol rei [[Alfonsu VIII de Castiella]]. Foi una aldega de l'alfoz de Madrid hasta l'añu 1369 en qu'Enrique II la venció a Pedro González de Mendoza en premiu pol so sofitu na guerra contra'l so hermanu Pedru I. El so nietu Iñigo López de Mendoza, el marqués de Santillana, permutó col conde de Gelves, Gonzalo de Guzmán, los sos derechos sobre Alcobendas colos de la villa de Torija (Guadalaxara) nel añu 1453 para, de la mesma ésti, faer lo propio en 1454 con Diego Romero, alcalde mayor de Toledo, en cuenta de la villa vallisoletana de Valdenebro. En 1457, tres trueque cola villa toledana de Carmena, apaez el señoríu en posesión de Diego Arias Dávila, contador mayor de Castiella, a que los sos descendientes, los condes de Puñonrostro, va pertenecer Alcobendas hasta l'añu 1811 en que sumen los señoríos.

 

 

Nel sieglu XVII Alcobendas vivió dos estraordinarios y afamaos milagros certificaos poles xerarquíes eclesiástiques: el de la sudoración del Cristu de la columna en 1646, y el de la multiplicación del vinu d'una pequeña tinaja en 1677. Yá nel sieglu XIX sufriría l'azote del invasor francés dende 1808 hasta la so lliberación por L'Encerriscáu. En 1822 les Cortes aprobaron les llendes del términu municipal que güei conocemos, y en 1823, dende Alcobendas, el duque de Angulema llanzaba'l so proclama derrocáu'l réxime lliberal nacíu del golpe del xeneral Del Riego. Nel sieglu XX la guerra civil y los sos años de postguerra fueron sufiertos por Alcobendas como en tantos otros llugares, y a mediaos de sieglu va empezar un fenómenu inmigratorio que va faer pasar al pueblu de tener 1.985 habitantes en 1940 a 3.748 en 1960, y a censar 25.074 nel añu 1970. Una crecedera desbordante y desordenáu col que se produció'l cambéu sociolóxicu de pueblu a ciudá coincidente colos últimos años del [[franquismu]] y los alboreceres de la [[Transición española]].