Diferencies ente revisiones de «Cipérez»

Esti conceyu foi cabeza d'una de les rodas de l'alfoz ledesmino. Nel sieglu XIX les tierres de Cipérez quedaron incorporaes nel acabante crear Partíu xudicial de Vitigudino, surdíu na nueva organización alministrativa que se constituyó n'España dempués de 1833. La nota predominante nesti conceyu ye'l descensu tan acusáu de población que vieno sufriendo dende mediaos de sieglu. Nesti sentíu los datos son bien significativos: si en 1950 cuntaba con 1.421 habitantes trenta años más tarde esa cifra amenorgárase a la metá, nun superando los 500 habitantes na actualidá. La gran estensión del términu municipal, qu'integra siete entidadentidá, refundia una densidá bien débil (4 hab/km²), de resultes de la presencia y dominiu de les esplotaciones encampizaes de ganáu vacuno y ovín. Hai una total dedicación a la ganadería y al aprovechamientu de les camperes y yerbazales, destinándose menos del 10% de les tierres al labrantío. Frutu de la presencia ganadera ye que'l conceyu cuntó con un mercáu de ganaos los martes. De los trés ermites que tuvo güei namái caltién la del Humilladero, qu'alluga la talla del Cristu del Amparu. La parroquial ta dedicada a San Pedro. Pero si por daqué ye famosu esti llugar ye porque equí prodúcense les famoses oblees de Cipérez, que tan apreciaes son en toa España.