Diferencies ente revisiones de «Motor de cuatro cilindros en llinia»

Nel motor de cuatro cilindro, pa cada pistón esiste una detonación cada 720° de xiru del cigoñal (2 vueltes). Por cuenta de ello, los muñones de les bieles tán dispuestos 720 ° / 4 = 180 °, asina que 2 de los pistones tán esactamente na mesma posición y muévense na mesma dirección, ente que los 2 pistones restantes son tamién un par. Pa evitar la vibración d'estremu a estremu que s'esperimenta nos motores de 3 cilindros, los fabricantes d'automóviles siempres disponen los pistones en forma simétrica. N'otres pallabres, el pistón 1 y 4 son un par, ente que'l pistón 2 y 3 formen otru par. Poro, el movimientu del pistón 1 ta siempres permediáu pol pistón simétricu 4. Lo mesmo asocede col pistón 2 y 3.

 

 

Como se ve, nun importa a qué ángulu del cigoñal, el motor boxer tien el par de pistones siempres en posiciones opuestes, direcciones y velocidaes, polo que toles fuerces pueden ser permediaes. (Si non fora por razones de tamañu y costo, los motores boxer seríen la meyor opción). En contraste, nun motor de cuatro cilindro en llinia, si xira'l cigoñal por un ciertu ángulu, el pistón cerca del estremu cimeru va mover pola distancia (b), Ente que otru pistón cerca del fondu va mover la distancia (a). Tenga en cuenta que (b) ye mayor que (a). Amás, cuanto más llargu ye'l tiru de rabil, polo tanto'l percorríu del cilindru, mayor ye la diferencia. Como la fuerza vertical ye'l productu del desplazamientu y la masa del pistón y estremada pol tiempu que se tarda en tal desplazamientu, puede vese que los distintos desplazamientos tienen de conducir a distintes fuerces, polo que la cancelación completa ye imposible. La fuerza resultante ye la fuerza de segundu orde antes mentada, que xira al doble de la velocidá del cigoñal.