Nel mes de Payares del añu 883, finose, casi dexuru n´'Uvieu, un testu que contenía una miscelanea de noticies hestóriques de tol Mundu, con cronoloxies, nómines y alabances de personaxes, ye dicir, aproximadamente lo que agora nomamos una Hestoria Universal o, meyor, un compendiu d´'Hestoria Universal. N´'efeutu, tal obra pretendió ser una complilación de los aconteceres hestóricos desarrollaos hasta aquel momentu. Asina dizse nes sos primeres llinies: ''Exquisitio totius mundi, omnis mundus est descriptus a viris sapientissimis... (Gueta de notivies de tol Mundu: tol mundu foi descritu per homes de grandes saberes...).'' La so fecha de determinación ye bien nidia nes caberes llinies del so testu: n´'elles cuenta que un sacerdote nomau Dulcidio foi enviau por Alfonso III con una embaxá a Córdoba nel mes de Setiembre ''(septembrio mense)'' del añu 883 y que en Payares ''(novembrio discurrente)'' aún nun había tornao. Finose, pues, esa Crónica en Payares del 883, fae agora, 2005, xustamente mil ciento veinti dos años.