Diferencies ente revisiones de «Festival de Cine Asturianu»

El '''Festival de Cine Asturianu''' nació'l [[27 d'abril]] del añu [[2005]]<ref>[http://festivalcineastur.blogspot.com.es/2013/09/historia-del-festival-de-cine-asturianu.html Historia del Festival de Cine Asturiano]</ref> nel auditoriu del Atenéu de [[Madrid]] de la mano d'un garrapiellu d'asturianos en Madrid cola idea de celebrar el Centenariu del Cine Asturianu. El facedor d'esta idea y direutor del nuevu Festival, [[Xaviel Vilareyo]], axuntó naquella ocasión a figures como [[Gil Parrondo]] Rico, [[Paz Pondal]], [[Xuan Gona]], [[Pedro María Sánchez]], [[Paul Naschy]] y [[Asunción Balaguer Golobart]], ente otres personalidaes como [[Miguel Losada]], [[Xosé Bolado]], [[David Reznak]] o [[Ángel Guinda]] pa celebrar el nacimientu d'esti nuevu Festival de Cine.

El Festival de Cine Asturianu ye una sociedá privada ensin ánimu de lucru y celebró'l I Centenariu del Cine Asturianu <ref>[http://asturmix.elcomercio.es/la-asturias-muda-ocho-peliculas-pioneras/ La Asturias muda: ocho películes pioneras]</ref> el vienres día 3 de xunu del 2005 nel Salón d'Actos de la Biblioteca de Madrid. La Biblioteca de Madrid, la segunda más grande de la ciudá, alluga'l depósitu llegal de llibros editaos na Comunidá y l'Archivu de Madrid y ye un importante centru cultural.

El vienres 3 de xunu a les 18 hores celebróse nel so Salón d'Actos el I Centenariu del Cine Asturianu con una presentación a cargu de Xuacu Rodríguez, que proclamó los nominaos a los premios.

Darréu, Xaviel Vilareyo entamó una conferencia sobre Cine asturianu: una hestoria de cien años, seguida de mesa redonda y coloquiu cola participación de David M. Rivas, miembru del xuráu oficial. Nel actu proyectóse la película muda asturiana de 1927 "Mieres del Camín" de Juan Díaz Quesada amás de la película documental "Oviedo, Principado de Asturias" de 1942 y un pequenupequeñu documental sobre la indumentaria tradicional astur. El xueves día 16 de xunu del 2005 a les 18 hores, reentamó'l Festival nel Salón d'Actos de la Biblioteca de Madrid y proyectóse la sección oficial a concursu de los curtiumetraxes finalistes seleccionaos pal I Concursu de Curtiumetraxes Asturianos, onde un xuráu popular votó al meyor actor, actriz, guion y direutor. Los curtiumetraxes 7337 y Lencería de ocasión de Sergio G. Sánchez y Teresa Marcos respectivamente yá recibieron enantes los premios al meyor curtiu n'asturianu y en castellanu. Gil Parrondo yá recibió el pasáu 27 d'abril el Premiu d'Honor del Festival.

El vienres día 17 de xunu del 2005 a les 18 hores fízose la primer Gala de Clausura cola entrega ofical de premios, homenaxes y proyección de curtios ganadores, amás ufiertóse durante la Gala el documental "El gnomo de la catedral" de Justo de la Cueva, 1942, película recién remasterizada. La entrada a les trés sesiones ye dafechu gratuíta pa tol públicu cinéfilu. El direutor del Festival, [[Xaviel Vilareyo]], agradez a toles entidaes y persones que ficieron posible'l desarrollu d'esti certame cinematográficu asturianu.

Cada autor o autores puede presentar una o varies obres amestando una ficha técnico-artística na que puen apaecer los datos siguientes: títulu y duración de la obra, autor o autores, añu de producción, resume de la obra, teléfonu ya corréu-electrónicu de contactu, amás d'otros que los autores consideren d'interés pa la obra. Tamién pueden amestar un currículu cinematográficu del autor con llugar y fecha de nacencia y premios recibíos. El festival de Cine Asturianu celebra añalmente unes Gales d'entrega de premios que se conocen como los Fruteros de Cristal, n'homenaxe a la primer película asturiana de 1905, El robu de fruta, dirixida por Javier Sánchez Manteola.