Diferencies ente revisiones de «Idioma nogayo»

De primeres, los nogayos usaben el [[alfabetu árabe]] pa escribir la so propia llingua, pero en 1928 introducióse l'usu del [[alfabetu llatinu]]. Un académicu nogayo, A. Dzhanibekov (Canibek), foi quien compiló el so sistema ortográficu, siguiendo los principios adoptaos pa toles llingües túrquicas. Más tarde, en 1938, les autoridaes soviétiques, aduciendo que l'usu del alfabetu llatinu yera una torga p'aprender rusu, fixeron obligatoriu l'usu del [[alfabetu cirílicu]].

 

 

Polítiques d'asimilación y d'instrucción pública dieron por resultancia una rápida diminución del númberu de falantes de nogayo en Turquía; talmente que anguaño'l nogayo solo ye faláu na so mayoría por persones d'edá avanzada. Na [[Xunión Soviética]] la llingua d'instrucción nes escueles yera'l rusu y el númberu de falantes tamién s'amenorgó por ello mientres esa etapa. Según estimaciones recién, el númberu total de falantes de llingua nogaya ye d'unos 80 000.