Diferencies ente revisiones de «Tomelloso»

 

Si de daqué podemos sentir arguyosos los tomelloseros ye de la riqueza artístico y cultural que, dende siempres, tuvo'l nuesu pueblu. D'ellos dan fe les obres d'escritores, pintores, escultores..., de los qu'equí vamos falar y les d'otros tantos que, por falta d'espaciu o por olvidu, dexaremos nel tinteru.Per otru llau, ye difícil esplicar ónde naz esa fonda molición cultural que, dende siempres, sintieron les nueses xentes. Hai que tener en cuenta que, hasta que se fixo obligatoria por llei la enseñanza primaria, munchos neños y neñes apenes si allegaben a la escuela porque teníen que dise a trabayar al campu dende los primeros años, unos por necesidá y otros, porque munchos padres consideraben que de la escuela namái yera útil aprender a lleer, escribir y los cuatro regles". Esistía'l convencimiento xeneralizáu de que p'aumentar el capital familiar yeren abondos eses conocencies y la dedicación de tola familia al trabayu nes viñes. Asina puede comprobase que munchos de los nuesos homes y muyeres pernomaes tuvieren una formación insuficiente y autodidacta que completaríen namái dempués de demostrar sobradamente y con munches dificultaes les sos condiciones artístiques o lliteraries. Esta circunstancia fainos imaxinar cuántos tomelloseros y tomelloseras vieron atayaes les sos moliciones culturales por falta de formación y sofitu.