Diferencies ente revisiones de «Martorell»

El día [[14 d'abril]] de [[1931]], Francesc Riera proclama la [[Segunda República Española]] en Martorell. L'añu [[1936]], en plena [[Guerra Civil Española]], son amburaes y destruyíes la ilesia parroquial de Santa María, la ermita de Santa Margarita y la capiya de la Torre de SantoSanta Lucía. Dellos personaxes reconocíos como Francesc Santacana Romeu son executaos. Nel añu [[1938]] constrúyese l'abelugu antiaéreo de la Plaza de la Vila. A finales de la Guerra Civil, delantre la inminente llegada de les tropes franquistes a Martorell, l'exércitu republicanu en retirada voló, el [[23 de xineru]] de [[1939]], les pontes del ferrocarril de [[Rede Nacional de los Ferrocarriles Españoles|RENFE]] y [[FGC]], la ponte de fierro sobre'l ríu Noya, la ponte de fierro de la carretera de [[Terrassa]] y la Ponte del Diañu. La llegada del exércitu de [[Francisco Franco]] a Martorell vieno precedíu del bombardéu de la villa. Escontra les 9 de la mañana del día 23 de xineru, l'aviación alemana bombardeó la cai del Mur y cais de la contorna creando la llerza ente la población civil y la muerte d'unes 18 persones, la destrucción d'una trentena de cases y daños a un centenar d'edificios. Escontra'l mediudía un nuevu ataque dexó cayer bombes nos güertos del Noya, que nun provocaron víctimes. Mientres la mañana del [[24 de xineru]] de [[1939]], la población de Martorell foi ocupada pol Cuerpu d'Exércitu de Navarra y el Corpo di Tropa Voluntari (C.T.V.) del exércitu franquista.