Diferencies ente revisiones de «Cine mudu»

Ente [[1915]] y [[1920]] les grandes sales de cine xorrecieron per tol tarritoriu d'[[Estaos Xuníos]], demientres la industria se treslladaba de la redolada de [[Nueva York]] a '''[[Hollywood]]''', pequeña localidállocalidá californiana xunta [[Los Angeles]] au los productores independientes, como [[Thomas Harper Ince]], [[Cecil B. De Mille]] y [[Mack Sennett]], construyeron los sos propios estudios. Ince inxertó'l sistema d'unidaes, nel que la producción de cada película taba descentralizada —se trabayaba por obra—, colo que se podíen facer al empar varies películes, caúna d'elles supervisada d'entamu a fin por un xefe d'unidá —un [[productor executivu]]— que dependía a la so vez del xefe del estudiu. Produxéronse asina cientos de películes al añu como rempuesta a la medría de la demanda de les sales. La inmensa mayoría yeren [[western]]s, comedies de tortazos y esbariones y elegantes melodrames, como'l de Cecil B. De Mille '''"Machu y fema"''' ([[1919]]) protagonizáu por [[Gloria Swanson]]. Ince, pela so parte, especializóse na [[Guerra Civil estauxunidense]] y el llonxanu Oeste, nos que rescampló l'entós popular vaqueru [[William S. Hart]].

[[Archivu:Charlie Chaplin.jpg|thumb|left|200px|Charlot]] '''Sir Charles Spencer Chaplin Jr.''' foi un [[actor]], [[direutor]], [[guionista]] y [[músicu]] d'orixe británicu, pue ser que'l primeru na cronoloxía cinematográfica. Chaplin yera un cómicu xenial, la so presencia yera abondo p'asegurar l'ésitu comercial d'una película, foi la primer estrella internacional y una lleenda viva dende la so mocedá gracies al so personax del vagabundu '''Charlot'''. Esti mecía la comedia sentimental, la sátira social y el patetismu de la naturaleza humana, convirtiéndose nún arquetipu universal. El personax foi medrando a lo llargo de les sos películes "El vagabundu" ([[1915]]), "Vida de perros" ([[1918]]), '''"El chico"''' ([[1921]]) y "La quimera del oru" ([[1925]]). Cola llegada del [[cine sonoru]], los productores se ñeguen a estrenar "Lluces de la ciudá" ([[1931]]), pero él faelo pola so propia cuenta y vuelve a frañir tolos récords de taquiella, ésitu que repite con '''"Tiempos modernos"''' ([[1936]]), sátira escontra l'automatización del trabayu, y '''"El gran dictador"''' ([[1940]]), primer filme faláu de Chaplin, una chancia de los dictadores, na figura d'[[Adolf Hitler]], que-y trae enemistaes ente los seutores más reaicionarios del poder estauxunidense, obligándo-y a abandonar el país na década de [[1950]], cuando la ‘caza de bruxes’ promovida por '''McCarthy'''. Muncho enantes, en [[1919]], tres los sos primeros ésitos, Chaplin, xunto con D. W. Griffith y los dos actores más famosos del momentu, [[Mary Pickford]] y [[Douglas Fairbanks]], formara la productora '''[[United Artists]]''', precursora del '''"star system"''' —anque'l so casu y el de Griffith amás d'estrelles yeren los auténticos creyadores y productores—, y aniciadora de la dómina d'oru del cine mudu n'Estaos Xuníos.