Diferencies ente revisiones de «Escultura»

Haza'l final del [[periodu Jōmon]], periodu de la prehistoria xaponesa que compriende ente'l 12.000 y el 300 e.C., aparecen yá delles figures que podemos calificar como escultures. Tenemos vasos de cerámica con decoración en forma de llama, y tamién figures ''dogū'' (representaciones d'humanoides y animales) en cerámica finamente trabayada que presenten los característicos güeyos con forma de "gafes pa la nieve". Demientres el [[periodu Kofun]] (sieglos III-VI) colocábense figures ''haniwa'', esquemátiques y con pocu detalle, d'homes y animales, feches en terracota, a la vera de les tumbes de persones importantes de la comunidá. La llegada del budismu al archipiélagu xaponés, nel sieglu VI, acompañose de la llegada d'un nuevu estilu escultóricu, refináu y sofisticáu, con formes y estilos chinos modificaos tres del so pasu pela península coreana. El templu de [[Hōryū-ji]] (sieglu VII) y los sos elementos interiores sobrevivieron al pasu del tiempu abondo meyor que cualisquier otru templu budista contemporáneu suyu, lo que mos permite contemplar una "Trinidá Shaka" en bronce del añu [[623]], una figura que representa al Buda "históricu" escoltáu por dos bodhisattvas y tamién los ''Reis Guardianes de les Cuatro DireccionesDireiciones'', los cuatro dioses budistes que se representen mirando pa los cuatro [[puntu cardinal|puntos cardinales]]<ref>Paine & Soper, pp. 30–31.</ref>.