Diferencies ente revisiones de «Siero»

[[Topográficamente]] falando, el conceyu de Siero ta enmarcáu na nidia depresión prelitoral asturiana, flanqueado per nidios montes con mayor elevación nel so parte más oriental, quedando encuadrada la parte centroccidental n'una enorme llanura que va dende les proximidaes de la capital hasta Uviéu y Llanera. Esta llanura recibe'l nome de llanera de Siero. Les elevaciones septentrionales empiecen na llende de Peñaferruz, siguen poles sierres de Ruedes, Cruces, el picu de San Martín y acaba na peña de Huergo. Nel cantu oriental atópase'l Picu Fariu, máxima altitú del conceyu con 734 metros, y tamién los cordales de Nava y Bimenes. Un pocu más al interior atopa la Peña Careses de 520 metros. Na parte estremera meridional asítiase la sierra de Paranza, y les llombes de San Xusto, Molledo y Arenas. El Picu de los Cuatro Xueces ta alcontráu al nordés, sirve de llende de los conceyos de [[Villaviciosa]], [[Xixón]], [[Sariegu]] y [[Siero]], y recibe el so nome yá que ellí axuntábense dos talos xueces de los cuatro conceyos para aldericar problemes comunes.

 

 

En cuanto al clima, el del conceyu de Siero ye de los más templaos d'Asturies y atópase englobado dientro del clima templáu-oceánicu, sicasí presenta unes traces diferenciadores que-y conceden ciertu calter de continentalidad, por cuenta de la distancia al mar y de la esistencia de barreres orográfiques.