Diferencies ente revisiones de «Tutankamón»

Trátase d'una pequeña sepultura destinada a un personaxe non real que tuvo de ser tresformada p'acoyer al rei ante la so prematura muerte.<ref>Mascort Roca, obra citada, pág. 35</ref> Carter y el so equipu, supervisaos pol gobiernu exipciu, fueron retirando y catalogando nun lentu procesu los 5000 oxetos qu'atoparon nos cuatro pequeñes cámares, concluyendo en febreru de [[1932]]. Esti material ta na actualidá nel [[Muséu Exipciu d'El Cairu|Muséu d'El Cairu]].<ref name=t2/>

 

Na estancia que Carter llamó Antecámara taba apilado [[Moblame#Historia|moblame]], carros desmontaos, armes, vistíos y comida. La que llamó Anexu taba llena d'oxetos, preferentemente vasíes, muebles, armes, [[untaza|untaces]] y comida. Na cámara funeraria, la única decorada con pintures, atopáronse cuatro capilles de madera recubiertu d'oru, encaxaes caúna dientro de l'anterior, que cubríen de la mesma un sarcófagu de [[cuarcita]] colorada que contenía trés ataúdes antropomorfos, tamién encaxaos unu dientro d'otru, de madera chapada n'oru, los dos más esteriores, y d'oru macizo'l más interior. Dientro del postreru taba la momia del nuevu faraón, cola cabeza y los costazos cubiertos pola célebre mázcara. Na cuarta sala, que recibió'l nome de Cámara de l'Ayalga, atopáronse les [[corada|corades]] [[momificación|momificadas]] del rei y oxetos emplegaos nel [[ritu funerariu]].<ref>Mascort Roca, obra citada, pág. 37</ref>