Diferencies ente revisiones de «Jackson (Mississippi)»

 

La capital del estáu de Mississippi, d'aquella, taba en Natchez, una ciudá de terrenu pantanosu poco afayaíza p'acoyer les instituciones estatales. En [[1821]] l'Asamblea Xeneral de Mississippi entamó la gueta de lo que diba ser nueva capital estatal. La guapura y salubridá de la zona, la bayura d'agua de la rodiada y lo averada que taba a les principales rutes comerciales decidieron la cuestión, y el 28 de payares de 1821 l'asamblea decidió qu'ellí diba tar la capital de Mississippi.

 

N'abril de [[1822]] entamó la construcción de la ciudá. Fízose ''ex novo'', con una estructura en dameru na qu'alternaben los bloques de cases con parques y otros espacios abiertos. Ficiéronse tamién los distintos edificios oficiales, nos qu'entamó a desarrollase actividá llexislativa n'avientu de [[1822]]. Pa [[1840]] aportó el ferrocarril a la ciudá. Esti foi clave pal so espoxigue, una y bones la ciudá, a la escontra d'otres del estáu (Vicksburg, Greenville o Natchez) nun ta a la vera'l ríu que-y da nome al estáu y, poro, nun podía contar con medrar gracies al comerciu fluvial.